Nasalakniban a Ladawan ti daga ti Aliwagwag
nasalakniban a lugar iti Filipinas / From Wikipedia, the free encyclopedia
Ti Nasalakniban a Ladawan ti daga ti Aliwagwag ket ti maysa a nasalakniban a lugar a mangpreserba iti maysa a pagayusan a lugar iti akin-abagatan nga isla ti Filipinas iti Mindanao iti Rehion ti Davao. Daytoy ket aglaon kadagiti taudana ti danum ti Karayan Cateel iti akin-abagatan a Kabambantayan ti Diuata a mangited iti taudan ti danum ken sibog para kadagiti kaarrubayan a talon ti bagas ken dagiti komunidad dagiti ili ti Davao Oriental ken Davao de Oro. Daytoy ket nanaganan manipud iti away iti adayo a purok iti ili ti Cateel iti ayan ti Dissuor Aliwagwag, ti katayagan a dissuor ti pagilian.[1]
Nasalakniban a Ladawan ti daga ti Aliwagwag | |
---|---|
Dissuor Aliwagwag | |
Kategoria V ti IUCN (nasalakniban a ladawan ti daga/ladawan ti baybay) | |
Lokasion | Davao Oriental ken Davao de Oro, Filipinas |
Kaasitgan a siudad | Bislig |
Nagsasabtan | 7°44′35″N 126°17′56″E |
Kalawa | 10,491.33 ektaria (25,924.6 acre) |
Nabangon | Abril 5, 2011 |
Mangituray a bagi | Departamento ti Enbironmento ken dagiti Masna a Rekurso |
Ti nasalakniban a ladawan ti daga ket parte ti National Integrated Protected Areas System iti Filipinas ken nabangon daytoy idi 2011 babaen ti Proklamasion Blng. 139 babaen ni Presidente Benigno Aquino III.[2] Daytoy ket immuna idi a komponente ti 1,927,400-ektaria (4,763,000-acre) a Reserba ti Bakir ti Agusan–Davao–Surigao a nairangarang idi 1931 babaen ti Proklamasion Blng. 369 babaen ni Gobernador-Heneral Dwight F. Davis a manin-adu a nabaliwan kadagiti napalabas a panawen tapno malukatan a pagminaan dagiti dadduma a lugar a nabaknang iti minerales a taudan ti danum.[3][4]