Luek Panguil
luek ti Filipinas / From Wikipedia, the free encyclopedia
Ti Luek Panguil ket ti maysa nga ima ti Luek Iligan iti Mindanao, Filipinas.[1] Ti luek ket mangbukel iti masna a pagbeddengan a mangisina ti Peninsula ti Zamboanga manipud iti amin a parte ti isla ti Mindanao. Daytoy ket beddenganna dagiti probinsia ti Misamis Occidental, Zamboanga del Sur, ken Lanao del Norte.[2] Dagiti nangruna a siudad ken ili iti aplayana ket ti Ozamiz ken Tangub iti Misamis Occidental, ken ti Tubod, ti kapitolio ti Lanao del Norte.[1]
Luek Panguil | |
---|---|
Lokasion | Isla ti Mindanao, Filipinas |
Nagsasabtan | 8°02′00″N 123°44′00″E |
Kita | Luek |
Parte ti | Luek Iligan |
Kadakkelan a kaatiddog | 41 km (25 mi) |
Kadakkelan a kaakaba | 11.5 km (7.1 mi) |
Kalawa ti rabaw | 180 km2 (69 sq mi) |
Agpakatengnga a kaadalem | 15.4 m (51 ft) |
Kaadaleman | 55 m (180 ft) |
Kaatiddog ti aplaya1 | 112 km (70 mi) |
Dagiti pagtaengan | |
1 Ti kaatiddog ti aplaya ket saan a nasayaat a panagrukod. |
Ti sumrekan iti luek ket namarkaan babaen ti silaw-taaw iti laud a bangir ti Luek Panguil, a mabirukan iti ulo ti daga iti akindaya a bangir ti pagsangladan ti Ozamis. Ti 9-metro (30 ft) a kangato iti konkreto a torre ket addaan iti pakaipatingngaan a plano iti 17 metro (56 ft) nga agraman kadagiti dua nga agsilsilap a nalabbasit iti tunggal maysa a 10 a segundo.[3]
Ti Rangtay ti Luek Panguil ket ti naplano a dua-dalan a rangtay a mangikapet iti Tangub iti Tubod, nga agdama a maisilpo babaen ti serbisio ti balsa. Ti 3.48-kilometro (2.16 mi) a rangtay ket mangipabassitto iti oras a panagbiahe iti pagbaetan ti Tangub ken Tubod manipud iti 2.5 nga ora iti 7 a minuto.[4]