Luek Dumanquilas
luek ti Filipinas / From Wikipedia, the free encyclopedia
Ti Luek Dumanquilas (mailetra pay a kas Dumanguilas Bay) ket ti maysa nga ima ti Golpo Moro iti akin-abagatan a bangir ti Peninsula ti Zamboanga iti akinlaud nga isla ti Mindanao iti Filipinas. Daytoy ket bingayan dagiti probinsia ti Zamboanga del Sur iti akindaya ken akin-amianan nga aplaya, ken ti Zamboanga Sibugay iti akinlaud nga aplaya. Ti maysa a di kadawyan a sukog a peninsula a gumay-at iti Punto Flecha ket mangisina daytoy manipud iti Luek Pagadian iti daya, bayat nga iti laud, maikapet ti luek iti Luek Sibuguey babaen ti Lingsat Canalizo a mangisina iti isla ti Olutanga manipud iti nangruna a daga ti Zamboanga. Iti politika, daytoy ket nabingbingay iti pagbaetan dagiti ili ti Zamboanga del Sur iti Margosatubig, Vincenzo Sagun, Lapuyan ken Kumalarang, ken dagiti ili ti Zamboangay Sibugay iti Buug, Malangas ken Alicia.
Luek Dumanquilas | |
---|---|
Luek Dumanguilas | |
Lokasion | Peninsula ti Zamboanga, Mindanao, Filipinas |
Nagsasabtan | 7°40′22″N 123°05′46″E |
Kita | luek |
Parte ti | Golpo Moro |
Is-isla | Isla Igat ken dagiti 12 a babbabassit nga isla |
Dagiti pagtaengan |
Ti luek ket ayan ti pakabirukan ti Pantalan ti Malangas, ti punto a paglayagan para iti Malangas Coal Reservation. Daytoy ket ammo para kadagiti adu a parakad iti igid ti baybay ken nabaknang iti dibersidad iti korales ken ikan.[1] Daytoy ket nairangarangen a kas maysa a nasalakniban a lugar ti baybay nga ammo a kas ti Nasalakniban a Ladawan ti daga ken Ladawan ti baybay ti Luek Dumanquilas idi 1999.[2]