Louis Pasteur
Pranses a kimiko ken mikrobiologo / From Wikipedia, the free encyclopedia
Ni Louis Pasteur (Pranses: [lwi pastœʁ]; Disiembre27, 1822 – Septiembre 28, 1895) ket maysa idi a Pranses a kimiko ken mikrobiolohista nga isu idi ket ti kangrunaan a nagbangon iti medikal a mikrobiolohia. Isu ket nailaglagipan para kadagiti naisangsangayan a panakaduktal kadagiti kaso ken panagpawil kadagiti sakit. Dagiti naduktalanna ket nagpabassit kadagiti ipupusay manipud iti puerperal a gurigor, ken nagpartuat kadagiti immuna a bakuna para iti balla ken anthrax. Dagiti eksperimentona ket nangsuporta ti [mikrobio a teoria ti sakit]]. Isu ket nadayeg nga ammo iti sapasap a publiko para iti panagimbento ti maysa a pamay-an a mangagas ti gatas ken bino tapno mapawilan dagitoy a gapuanan ti sakit, ti maysa a pamay-an a makunkuna a pasteurisasion. Isu ket naipampanunotan a kas maysa kadagiti tallo a nangbangon ti mikrobiolohia, a kaduana ni Ferdinand Cohn ken ni Robert Koch.
Louis Pasteur | |
---|---|
Nayanak | (1822-12-27)Disiembre 27, 1822 Dole, Jura, Franche-Comté, Pransia |
Natay | Septiembre 28, 1895(1895-09-28) (tawen 72) Marnes-la-Coquette, Hauts-de-Seine, Pransia |
Pagtaengan | Pransia |
Pakipagilian | Pranses |
Alma mater | École Normale Supérieure |
Sientipiko a pagsapulan | |
Dagiti pagobraan | Kimika Mikrobiolohia |
Dagiti patakder | Dijon Lycée Unibersidad ti Strasbourg Unibersidad ti Lille iti Siensia ken Teknolohia École Normale Supérieure |
Dagiti nangruna nga estudiante | Charles Friedel[1] |
Pirma | |
Nakaaramid pay ni Pasteur kadagiti adu a panagkaduktal iti pagobraan ti kimika, a naisangsangayan ti molekular a batayan para iti asimetria dagiti kristal. Isu ket naipunpon idiay sirok ti Instituto Pasteur idiay Paris idi maysa a napintas a panteon a naabbongan kadagiti ladawan dagiti nagun-odna iti Bisantino a mosaiko.[2]