Listaan dagiti di aktibo a bulkan ti Filipinas
listaan dagiti di aktibo a bulkan ti Filipinas / From Wikipedia, the free encyclopedia
Daytoy ket listaan dagiti di aktibo a bulkan ti Filipinas. Dagiti bulkan nga awan rehistro kadagiti panagbettak ket naikeddeng a natay wenno di aktibo. Ti pisikal a pormada manipud iti kinaudi nga aktibidad ket binaliwanen babaen dagiti ahente ti panagbalbaliw babaen ti klima ken nurunor nga adda ti pormasion dagiti nauneg ken atiddog a rengngat.[1] Ti di aktibo ket saan met a nasken a mangibagbaga a ti maysa a bulkan ket saanto a bumtak manen. Ti Bantay Pinatubo ket awan idi ti nairehistro a panagbettak sakbay ti nakadidigra a panagbettak idi 1992. Ti Bulkan Chaiten idiay Chile ket naudi a bimtak idi 7420 SK ± 75 a tawtawen sakbay ti nakaro a panagbettakna idi Mayo 2008.
Ti Instituto ti Filipinas iti Bulkanolohia ken Sismolohia (PHIVOLCS) ket agdama a mangilista kadagiti 355 a bulkan ti Filipinas a kas di aktibo.[2] Ti listaan ti PHIVOLCS ket isu ti batayan daytoy a listaan, nga adda met dagiti nainayon a pakaammo, adda met dagiti dadduma a nabaliwan ti pannakaidasig iti aktibo a listaan wenno mabalin nga aktibo a listaan. Dagiti bulkan nga addaan iti solpatariko wenno pumaroliko nga aktibidad a mangipakpakita ti aktibo a panagpaay ti magma a kas ti Banbantay ti Pocdol, ket naikabilda kadagiti mabalin nga aktibo a bulkan ti Filipinas. Daytoy a listaan ket mangipakpakita kadagiti 339 a di aktibo a bulkan iti Filipinas.