LIBRIS
sistema ti pakaammo ti biblioteka ti Suesia / From Wikipedia, the free encyclopedia
Ti LIBRIS (Sistema ti Pakaammo ti Biblioteka) ket maysa a Sueko a nailian a kappon a katologo a tinartaripato babaen ti Nailian a Biblioteka ti Suesia idiay Estokolmo.[1] Mabalin ti nawaya nga agbiruk kadagiti agarup a 6.5 a riwriw a titulo iti amin a paset ti pagilian.[2]
Iti pay maipatinayon kadagiti bibliograpiko a rehistro, maysa para iti tunggal maysa a libro wenno pablaak, ti LIBRIS ket aglaon pay kadagiti turay a papeles ti tattao. Para iti tunggal maysa a tao nga addaan iti rehistro a maikapet iti nagan, pannakaipasngay ken trabaho nga adda iti naisangayan a panagilasin.
Ti MARC a Kodigo para iti Sueko a Kappon ti Katologo ket SE-LIBR, a nomalisado: selibr.[3]
Ti panagrang-ay ti LIBRIS ket maitugotan kadagiti tawen ti tengnga ti 1960.[4] Bayat a ti rasionalisasion dagiti biblioteka ket parikuten daytoy kadagiti dekada kalpasan ti Sangalubongan a Gubat II, idi 1965 a nangipablaak ti komite ti gobierno iti maysa a reporta kadagiti panagusar ti kompiuter kadagiti panagsuksukisok iti biblioteka.[5] Ti busbos ti gobierno idi 1965 ket nakapartuat ti konseho ti biblioteka a panagsukisok (Forskningsbiblioteksrådet, FBR).[6] Ti nagiyunaan a disenio a dokumento, Sistema a Pakaammo ti Biblioteksadministrativt (BAIS) ket naipablaak idi Mayo 1970, ken ti nagan a LIBRIS, ket pangyababaan para iti Library Information System, ket inus-usar idi para iti maysa a teknikal a subkomite a nangrugi idi Hulio 1, 1970.[7] Ti warnakan a LIBRIS-meddelanden (ISSN 0348-1891) ket naipablaaken manipud idi 1972[8] ken adda iti online manipud idi 1997.[9]