mula iti kameng ti Bryophyllum a paset ti henero ti Kalanchoe From Wikipedia, the free encyclopedia
Ti abistrana wenno abisrana[2] (sin. Bryophyllum calycinum, Bryophyllum pinnatum, ken ammo pay iti Ingles a kas ti Air Plant, Life Plant, Miracle Leaf, Patharkuchi Pata, Goethe Plant ken iti Filipino ken Tagalog a kas Katakataka) ket natubbog a mula a patneng iti Madagascar. Daytoy ket naisangayan gapu ti panagtubona kadagiti bassit nga uggot nga agporma kadagiti baetan ti bulbulong, daytoy ket kadawyan kadagiti kameng ti Bryophyllum a paset ti henero ti Kalanchoe.
Abistrana | |
---|---|
Bulbulong ken sabsabong ti abistrana | |
Taksonomia | |
Pagarian: | |
(di nairanggo): | |
(di nairanggo): | |
(di nairanggo): | |
Urnos: | Saxifragales |
Pamilia: | Crassulaceae |
Henero: | Bryophyllum |
Sebbangan: | B. pinnatum |
Dua a nagan | |
Bryophyllum pinnatum (Lam.) Oken | |
Kapada a nagan[1] | |
|
Daytoy ket nadayeg a masetas ken nagbalinen a kadawyan kadagiti rehion ti Asia, Pasipiko ken Karibe.
Dagiti "bulong" ti daytoy a sebbangan ket pudno a kombinasion iti bulong-ungkay a tinawtawagan kadagiti kladodio. Napuskol dagitoy, nalasag, immitlog iti sukog, nakillo, nga agraman iti maysa a krenata wenno rimmagadi a paraigid, masansan a maralabbasit. Simple iti puon iti ungkay, dagiti bulong ket pinnado iti ngato, 10-30 cm iti kaatiddog , nga agraman kadagiti 3-5 a paris iti nalasag a pingir nga ungkay.
Nakakaskasdaaw dagiti bulong gapu iti abilidadda nga agpataud kadagiti bassit nga uggot. Iti paraigidda, iti baetan dagiti ngipen, rummuar dagiti uggot, a rumang-ay nga agpataud kadagiti ramut, ungkay ken bulong. Matnag no mabukel dagiti bunobon, agramutda ket napardasda nga agbalin a baro a mula. Daytoy ket kadawyan a pannakkel ti subhenero ti Bryophyllum. Dagiti bunga ket dagiti polikulo (10-15 mm ) a mabirukan iti napinget a calyx ken corolla.[3]
Ti terminal inploresensia ket maysa a panikula, nga agraman kadagiti adu nga agbitbitin, nalabbasit-narangha a sabsabong. Ti porma ti calyx ket atiddog a tubo, nalabbasit iti puon, nauratan iti maraduyaw-berde (wenno naturikan iti berde nga agraman iti maralabbasit-kayumanggi), nga addaan kadagiti uppat a bassit-usit a trianggular a pingir iti patinggana. The tubular korola, nga addaan iti maysa nasayaat iyiilet a mangisina iti subespesikal a parte iti immitlog a parte, pinatinggaan dagiti uppat a pingir a makaabot iti 5 cm iti kaatiddog. Daytoy ket maraduyaw iti maris nga araman kadagiti garit iti nalabbasit-morado. Dagiti 8 nga estabre (4 cm iti kaatiddog ) ket adda kadagiti dua balikoskos, a naidekket kadagiti korola. Ti iitlogan ket addaan kadagiti uppat a carpel, agdekketda bassit iti tengnga, nga agraman kadagiti narapis nga estilo.[4]
Ti Bryophyllum pinnatum ket nagbalin a naturalisado kadagiti tropikal ken subtropikal a lugar, agginggana kadagiti nabara ken kalalainganna a klima manipud iti pantar ti baybay aginggana iti 2,600 a metro, mabirukan kadagiti lugar iti bato kadagiti tropikal a kankanayon a berde ken matmatnag iti bulong a bakir, ken dagiti bakir ti bantay. Mabirukan daytoy kadagiti parte ti Asia, Australia, Baro a Selanda, ti Laud nga India, ti Filipinas, Macaronesia, ti Mascarenes, ti Is-isla ti Galapagos, Melanesia, Polinesia, ken Hawaii.[5] Iti kaaduan kadagitoy, a kas ti Hawaii, daytoy ket naikeedeng a makaraut a sebbangan.[6] Kaaduan a rason para iti kaadu daytoy a mula ket matugotan iti kadayegna a kas masetas.
Ti mannurat a ni Johann Wolfgang von Goethe – nga isu idi ket agdadamo a naturalista ket "nagay-ayat unay" idi ti daytoy a mula ken nagit-ited kadagiti uggot daytoy a mula a kas regalo kadagiti gayyemna a nagbisbisita idiay balayna. Isu ket adu pay a nangibagbaga ti mulana iti salasay a natituluan iti Geschichte meiner botanischen Studien ("Pakasaritaan dagiti panagadalko iti botanika").
Ti mula a Kalanchoe pinnata ket inap-apit idi babaen ni Pierre Sonnerat iti Isle de France (Maurisio) ken nakisinnarita ken ni Lamarck a nagipalawag daytoy idi 1786 a kas ti Cotyledon pinnata. Iti kanungpalan, ti naturalista iti Paris a ni Christiaan Hendrik Persoon ket indasigna manen daytoy iti Kalanchoe (tinawtawaganna iti Calanchoe pinnata 1805–1807, iti maysa nga ortograpiko a karuay). Iti isu met laeng a panawen, idiay Londres, ti botaniko a ni Richard Anthony Salisbury ket inpalawagna ti isu met laeng a mula namipud iti espesimen a naawatna manipud iti Bengal, babaen ti nagan iti Bryophyllum calycinum, ken iti isu met laeng a panawen ket nagpartuat iti baro a henero iti Bryophyllum.[7]
Iti estado ti India iti Laud a Bengal, daytoy ket tinawtawagan iti Patharkuchi (পাথরকুচি) iti Bengali. Daytoy ket tinawtawagan iti "Leaf of Life" ken "Wonder of the World" iti agsasao iti Ingles a Karibe. Iti estado ti India iti Maharashtra, daytoy ket tinawtawagan iti "Panfuti" (bulbulong nga agtubo manipud iti bulong). Iti estado ti India iti Odisha, daytoy ket kadawyan nga ammo a kas Amarapoi (ଅମରପୋଇ) (a ti kayatna a sawen ket di mapatay a mula). Daytoy ket adu pay a naiwarwaras idiay Filipinas ken ammo a kas katakataka wenno kataka-taka iti Tagalog,[8][9][10] aritana iti Bikolano, balangbang iti Ifugao, ken inginga iti Igorot,.[11]
Iti pannakaipadana kadagiti sabali a Crassulaceae (a kas dagiti henero ti Tylecodon, Cotyledon ken Adromischus), Kalanchoe pinnata dagitoy ket nabirukanen nga aglaon ti bufadienolide glokosido kardiako[12] Daytoy ket gapuanan ti pannakasabidong ti puso, a naisangayan dagiti agar-arab nga ayup.[13][14]
Idiay Hamaika ti tubbog ti bulongna ket inus-usar nga agas ti panateng ken uyek. Ti tubbogna ket sagpaminsan nga inlalaok iti asin wenno diro, para iti sakit ti ulo, panateng ken dagiti problema ti panaganges ken nangato a presion ti dara.
Ti naipapudot a bulbulong ket mabalin nga usaren para kadagiti nana ken litteg. Add met dagiti kapada a panagusar idiay Aprika, nga inus-usar pay idiay a kas agas ti sakit ti lapayag, mata ken agas ti panagisbo.
Idiay Daya a Karibe daytoy ket inus-usar a kas tsa para it panateng ken ti tubbog ket inus-usar kadagiti litteg ken sakit ti ulo. Idiay Brasil, daytoy ket inus-usar para kadagiti problema ti respiratorio. Inus-usar pay a panagagas ti bato ken ulser ken para kadagiti litteg, sinit, ulser, dagiti kagat ti insekto ken dagiti alis ti mata.
Ti kompuesto a bufadienolide a naala manipud iti abistrana ket mairaman ti bryophillin A a nangipakpakita ti napigsa a panagkontra ti dugol, ken ti saan unay nga aktibo a bersaldegenin-3-acetate ken bryophillin C.[15] Bryophillin C also showed insecticidal properties.[16]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.