![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/ab/Chrusophyllum_cainito.jpg/640px-Chrusophyllum_cainito.jpg&w=640&q=50)
Kaimito
tropikal a kayo iti pamilia ti Sapotaceae / From Wikipedia, the free encyclopedia
Ti kaimito (Chrysophyllum cainito) ket tropikal a kayo iti pamilia ti Sapotaceae. Daytoy ket patneng ti Kalatakan nga Antila ken ti Laud nga India. Daytoy ket naiwarwarasen kadagiti tanap ti Tengnga nga Amerika ken naimuyonganen kadagiti amin a tropiko, mairaman ti Abagatan a daya nga Asia.[1] Daytoy ket napardas a dumakkel ken makaabot iti 20 metro iti katayag.
Kaimito | |
---|---|
![]() | |
Bunga ti kaimito | |
Taksonomia ![]() | |
Pagarian: | Plantae |
Klado: | Tracheophytes |
Klado: | Angiospermae |
Klado: | Eudicotidae |
Klado: | Asterids |
Urnos: | Ericales |
Pamilia: | Sapotaceae |
Henero: | Chrysophyllum |
Sebbangan: | C. cainito |
Dua a nagan | |
Chrysophyllum cainito | |
Adda met daytoy kadagiti sabsabali a nagan a mairaman ti cainito, caimito, star apple, golden leaf tree, abiaba, pomme du lait, estrella, milk fruit ken aguay. Ammo pay daytoy babaen ti sinonimo nga Achras cainito. Idiay Bietnam, daytoy ket tinawtawagan iti vú sữa (literal a: gatas ti suso).
Dagiti bulong ket kankanayon a berde, agsisinnublat, simple nga immitlog, intero nga 5–15 cm ti kaatiddogna; ti likudanna ket nasileng nga addaan iti nabalitokan a maris no makita iti adayo. Dagiti bassit-usit a sabong morado-puraw ken addaan iti nabanglo nga angot. Ti kayo ket hermaproditiko (bukod a mabungaan).
Daytoy ket addaan iti nagtimbukel, morado ti kudilna a bunga ken kadawyan a berde ti sepalono, nga addaan iti bituen a langa iti lasagna. Sagpaminsan pay nga adda dagiti berde-puraw wenno duyaw a kita daytoy a bunga. Ti kudilna ket nabaknang iti latex, ken daytoy ket ti ukisna ket saan a makan. Dagiti nadalumpinas a bukel ket natangken ken nakusnaw a kayumanggi ti marisna. Daytoy ket natiempuan ti panagbungana a kayo.
Naimbag dagiti bungana daytoy ket naimas a kanen a kas dulse; daytoy ket nasam-it ken nasaysayaat a kanen no nalamiis. Ti tubbog ti kimiko a kompuesto ti bulbulongna ket naus-usaren a pangngagas ti diabetes ken artikulay a rayuma. Ti bunga ket addaan kadagiti tagikua iti anti-oksido.,[2][3] Ti ukis ti kayona ket naikedkeddeng a toniko ken panagparugso. Ti bunga ket ket magun-od pay kadagiti tallo a maris, nangisit a morado, berde-kayumanggi ken duyaw. Ti morado a bunga ket addaan iti napuspuskol a kudil ken labanag bayat a ti berde-kayumanggi ket addaan iti naing-ingpis a kudil ken nadigdigo a lasag; to duyaw met ket saan unay nga adu ken narigat a mabirukan.
Adda dagiti asideg a kabagianna a sebbangan, tinawtawagan pay met dagitoy iti kaimito, maimuyongan dagitoy idiay Aprika, a mairaman ti C. albidum ken C. africanum.[4]
Idiay Bietnam, ti kadayegan a kita ket ti gatas a prutas ti Lò Rèn manipud idiay komuna ti Vĩnh Kim , distrito ti Châu Thành , probinsia ti Tiền Giang.
Idiay Sierra Leone daytoy a bunga ket tinawtawagan iti "Bobi wata" wenno gatas ti suso a bunga.