![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9d/Ixora_coccinea_%2528Rubiaceae%2529.jpg/640px-Ixora_coccinea_%2528Rubiaceae%2529.jpg&w=640&q=50)
Ixora
henero ti mulmula / From Wikipedia, the free encyclopedia
Ti Ixora ket ti henero dagiti agsabsabong a mula iti pamilia ti Rubiaceae. Daytoy ti kaikaisuna a henero ti tribu ti Ixoreae. Daytoy ket buklen dagiti tropikal a kankanayon a berde a kayo ken dagiti babassit a mula ken agtengngel kadagiti agarup a 562 a sebbangan.[1] Uray no patneng iti tropikal ken subtropikal a luglugar iti amin a paset iti lubong, ti sentro ti dibersidadna ket iti Tropikal nga Asia. Kadawyan pay nga agtubo ti Ixora kadagiti subtropikal a klima iti Estados Unidos, kas ti Florida nga idiay ket kadawyan nga ammo a kas West Indian Jasmine. Dagiti sabali pay a kadawyan a nagan ket mairaman ti viruchi, rangan, kheme, ponna, chann tanea, techi, pan, siantan, jarum-jarum/jejarum, jungle flame, jungle geranium, cruz de Malta ken dadduma pay. Dagiti mula ket agtagikua kadagiti nalalat a bulong, manipud iti 3 aginggana iti 6 a pulgada iti kaatiddog, ken agpataud kadagiti dakkel a rimpuok dagiti bassit-usit a sabong iti kalgaw. Kaykayat dagiti kameng ti Ixora iti asidiko a daga, ken nasayaatda a maimula a kas bonsai. Daytoy ket nasayaat pay a mapili para iti alad a mula kadagiti parte ti Abagatan a daya nga Asia. Kadagiti tropikal a klima, agsabongda iti amin a paset ti tawen ken kadawyan a maus-usar iti panagraraem iti Hindu, ken iti pay ayurveda ken tradisional pay nga agas iti India.
Ixora | |
---|---|
![]() | |
Ixora coccinea | |
Taksonomia ![]() | |
Pagarian: | Plantae |
Klado: | Tracheophytes |
Klado: | Angiospermae |
Klado: | Eudicotidae |
Klado: | Asterids |
Urnos: | Gentianales |
Pamilia: | Rubiaceae |
Subpamilia: | Ixoroideae |
Tribu: | Ixoreae |
Henero: | Ixora L. |
Sebbangan-kita | |
Ixora coccinea | |
Dagiti sebbangan | |
agarup a 562, kitaen ti teksto | |
Kapada a nagan | |
|