Samar (isla)
isla idiay Filipinas / From Wikipedia, the free encyclopedia
Ti Samar ket ti maysa nga isla idiay Visayas, iti kaunegan ti tengnga a Filipinas ken ti maikatlo a kadakkelan nga isla iti pagilian. Ti isla ket nabingbingay kadagiti tallo a probinsia: ti probinsia ti Samar (ti akinlaud a dua a panglima ti isla ti Samar), probinsia ti Akin-amianan a Samar, ken ti probinsia ti Akindaya a Samar. Dagitoy a tallo a probinsia, ken maikuyog dagiti probinsia iti asideg nga is-isla ti Leyte ken Biliran ket parte ti rehion ti Akindaya Visaya.
Heograpia | |
---|---|
Nagsasabtan | 12°00′N 125°00′E |
Purpuro | Visayas |
Kadenna a bagbagi ti danum | |
Kalawa | 13,428.8 km2 (5,184.9 sq mi)[1] |
Ranggo ti kalawa | Maika-63 |
Aplaya | 800.6 km (497.47 mi)[2] |
Kangatuan nga elebasion | 850 m (2790 ft)[2] |
Administrasion | |
Rehion | Daya a Visayas |
Dagit iprobinsia | |
Kadakkelan a pagtaengan | Calbayog (pop. 172,778) |
Demograpia | |
Populasion | 1,751,267 (2010)[3] |
Densidad ti populasion | 130.4/km2 (337.7/sq mi) |
Ti Samar ket ti maysa nga akindaya unay nga isla idiay Visayas. Ti isla ket naisina manipud iti Leyte babaen ti Lingsat San Juanico, nga iti kaakikidan a puntona ket agarup laeng a dua a kilometro iti ballasiwna. Daytoy a lingsat ket ballasiwen babaen ti Rangtay San Juanico. Ti Samar ket mabirukan iti abagatan a daya ti Peninsula ti Bicol idiay Luzon, ti kadakkelan nga isla ti pagilian; isina dagitoy dua babaen ti Lingsat San Bernardino. Iti abagatan ti Samar ket ti Golpo Leyte, ti lugar ti Gubat ti Golpo Leyte, ti maysa a kaaduan a mangikeddeng a gubat ti baybay idi las-ud ti Maikadua a Gubat ti Sangalubongan. Ti golpo ket malukatan iti Baybay Filipinas, a mabirukan iti daya ti Samar ken parte ti Taaw Pasipiko.