pagilian idiay Abagatan a Daya nga Asia From Wikipedia, the free encyclopedia
Ti Indonesia, opisial a ti Republika ti Indonesia (Indones: Republik Indonesia), ket ti naturay nga estado idiay Abagatan a daya nga Asia ken Oceania. Ti Indonesia ket maysa a purpuro a buklen dagiti rinibu nga isla.[9] Daytoy ket sakupenna dagiti 33 a probinsia ken 1 nga Espesial nga Administratibo a Rehion (para iti panangituray babaen ti sakbay ti kolonia a monarkia) nga addaan iti nakarkulo a populasion iti sumurok a 252 a riwriw a tattao, ken mangaramid daytoy iti maikapat a kaaduan ti populasion a pagilian iti lubong. Ti republika a porma ti gobierno ti Indonesia ket buklen ti nabutosan a lehislatura ken presidente. Ti kapitolio a siudad ti pagilian ket ti Jakarta. Ti pagilian ket makibinningay kadagiti daga a pagbeddengan iti Papua Baro a Guinea, Daya a Timor, ken Malaysia. Dagiti dadduma pay a kaarrubana a pagilian ket mairaman ti Singapur, ti Filipinas, Australia, Palau, ken ti Indiano a teritorio ti Is-isla ti Andaman ken Nicobar. Ti Indonesia ket ti nagpundar a kamemng ti ASEAN ken kameng dagiti nangruna nga ekonomia ti G-20. Ti ekonomia ti Indonesia ket isu ti maika-16 a kadakkelan babaen ti nominal a GDP.
Republika ti Indonesia | |
---|---|
Napili a pagsasao: Bhinneka Tunggal Ika (Kawi) "Panagkaykaysa iti Dibersidad" Nailian nga ideolohia: Pancasila (Kawi)[1][2] | |
Nailian a kanta: Indonesia Raya Nalatak nga Indonesia | |
![]() | |
![]() | |
Kapitolio ken kadakkelan a siudad | Jakarta 6°10.5′S 106°49.7′E |
Opisial a sasao | Indones |
Nagan dagiti umili | Indones |
Gobierno | Unitario a presidensial a batay-linteg a republika |
• Presidente | Joko Widodo |
• Bise Presidente | Ma'ruf Amin |
Lehislatura | Kosultatibo nga Asemblia ti Tattao |
Konseho ti Rehional a Representatiblo | |
Representatibo a Konseho ti Tattao | |
Pannakawayawaya | |
Kalawa | |
• Daga | 1,904,569 km2 (735,358 sq mi) (Maika-15) |
• Danum (%) | 4.85 |
Populasion | |
• Karkulo idi 2014 | 252,164,800[3] |
• Senso idi 2011 | 237,424,363[4] (Maika-4) |
• Densidad | 124.66/km2 (322.9/sq mi) (Maika-84) |
GDP (PPP) | Karkulo idi 2013 |
• Dagup | $2.388 trilion[5] (Maika-9) |
• Tunggal maysa a tao | $9,559[6] (Maika-124) |
GDP (nominal) | Karkulo idi 2013 |
• Dagup | $867.468 bilion[4] (Maika-16) |
• Tunggal maysa a tao | $3,499[4] (Maika-115) |
Gini (2010) | 35.6[7] kalalainganna |
HDI (2013) | ![]() kalalainganna · Maika-108 |
Kuarta | Rupia (Rp) (IDR) |
Sona ti oras | UTC+7 aginggana ti +9 (nadumaduma) |
Pagmanehuan | kanigid |
Kodigo ti panagtawag | +62 |
Kodigo ti ISO 3166 | ID |
TLD ti internet | .id |
Ti purpuro ti Indonesia ket nangruna idin a rehion iti panagtagilako manipud idi maika-7 a siglo, idi ni Srivijaya ken kalpasanna ni Majapahit ket nakipagtagilako iti Tsina ken India. Dagiti lokal nga agturturay ket nagin-inutda a nangala kadagiti gangganaet a modelo ti kultura, relihion ken politika manipud kadagiti nasapa a siglo, ken nagrang-ay dagiti pagarian ti Hindu ken Budista. Ti pakasaritaan ti Indonesia ket naimpluensian babaen dagiti gangganaet a bileg a nagay-ayat kadagiti masna a rekursona. Dagidi Muslim a nagtagtagilako ket nagiyegda ti kaaduan nga Islam, bayat a dagidi bileg ti Europa ket nagiyegda iti Kristianidad ken naglalabanda tapno bukbukodanda ti panagtagilako kadagiti Is-isla ti Rekado ti Maluku idi las-ud ti Panawen ti Panagduktal. Kalpasan ti tallo ket gudua a sigsiglo iti Kolonialisno nga Olandes, ti Indonesia ket nakaala met iti pannakawayana kalpasan idi Sangalubongan a Gubat II. Ti pakasaritaan ti Indonesia ket nariron kalpasanna daytat, nga adda met dagiti karit nga inyeg dagiti masna a didigra, adu a panagpapatay, panagbalintungeg, separatismo, ti proseo ti demokratisasion, ken dagiti paset ti panawen iti napardas a panagbaliw iti ekonomia.
Ti Indonesia ket buklen dagiti ginasut a naisangayan a patneng a grugrupo ti etniko ken lingguistika. Ti kadakkelan – ken katurayan iti politika – ket ti etniko a grupo ti Habanes. Napadur-as met ti nagbibingayan nga identidad, a naipalawag babaen ti nailian a pagsasao, dibersidad ti etniko, kaadu ti relihion iti kaunegan ti kaaduan a populasion ti Muslim, ken ti pakasaritaan ti kolonialismo ken iti rebelion a naisuppiat iti daytoy. Ti nailian a sasao ti Indonesia ket ti, "Bhinneka Tunggal Ika" ("Panagkaykaysa iti Dibersidad" literall a, "adu, ngem maymaysa met"), ket mangibagbaga ti dibersidad a nangsukog iti pagilian. Uray ti dakkel a populasianna ken dagiti rehion a napusek iti populasion, ti Indonesia ket addaan iti nawatiwat a luglugar iti kaatapan a mangsuporat ti maikadua a kangatuan nga agpang iti biodibersidad iti lubong. Ti pagilian ket addaan iti adu a masna a rekurso, ngem adu pay met laeng dagiti napanglaw.[10][11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.