Greta Garbo
Sueko nga aktres / From Wikipedia, the free encyclopedia
Ni Greta Garbo, nayanak a kas ni Greta Lovisa Gustafsson (Panangibalikas a Sueko: [ˈgre:ˈta lʊˈvi:ˈsa ˈgɵstafˈsɔn] 18 Septiembre 1905 – 15 Abril 1990), ket maysa idi a Sueko nga aktres iti pelikula, sangalubongan nga aktres ken simbolo kadagiti tawen ti 1920 ken 1930. Ni Garbo ket namitlo idi a nainomido para iti Kalaingan nga Aktres ken nakaawat iti honorario idi 1954 para iti "nailuminado ken dagiti di malipatan a panagpabpabuya ." Idi 1999, inranggo ti American Film Institute ni Garbo a maikalima itilistaanda kadagiti kalatakan a babbai nga artista iti sinema ti Klasiko a Hollywood kalpasan ni Katharine Hepburn, Bette Davis, Audrey Hepburn, ken Ingrid Bergman.
Greta Garbo | |
---|---|
Dagiti salaysay | |
Nayanak | Greta Lovisa Gustafsson 18 Septiembre 1905 [1] Katarina church parish |
Natay | 15 Abril 1990 (tawen 84) [2][3][4][5][6] Siudad ti New York |
Gapu iti pannakatay | Pulmonia, pannakapaay ti biel |
Alma mater | Dramatens elevskola |
Trabaho | Aktor, aktor ti pelikula, aktor ti teatro |
Nagannak | |
Ka(ka)bagian | Gray Reisfield |
Dagiti gunguna | Honorario a Gunguna ti Akademia, Commander of the Order of the Polar Star, Litteris et Artibus, Illis quorum |
Pirma | |
Website | |
https://www.gretagarbo.com |
Inrugi ni Garbo ti karerna iti sekondario a papel iti Sueko a pelikula idi 1924 iti The Saga of Gosta Berling. Ti panangiladawanna ket nakaala iti panangikaskaso ni Louis B. Mayer, ti ehekutibo a hepe ti Metro-Goldwyn-Mayer (MGM), ken isu met ti nangiyeg kaniana idiay Hollywood idi 1925. Dagus met isuna a nakaala kadagiti panagkayat iti immuna a naulimek a pelikulana, ti Torrent nga immuna a naipabuya idi 1926; kalpasan ti maysa a tawen, ti panangiladawanna iti Flesh and the Devil, ti maikatlo a sinena ket isu ti nakaaramidanna a kas sangalubongan nga artista.[7]