George Henry Kendrick Thwaites
entomologo ken botaniko / From Wikipedia, the free encyclopedia
Ni George Henry Kendrick Thwaites (9 Hulio 1812,[1] Bristol – 11 Septiembre 1882, Kandy) ket maysa idi nga Ingles a botaniko ken entomologo.
George Henry Kendrick Thwaites | |
---|---|
Nayanak | (1812-07-09)9 Hulio 1812 Bristol |
Natay | 11 Septiembre 1882(1882-09-11) (tawen 70) Kandy |
Pakipagilian | Briton |
Pannakaumili | Nagkaykaysa a Pagarian |
Nakaam-ammuan | Enumeratio Plantarum Zeylaniæ Lepidoptera ti Ceylon |
Sientipiko a pagsapulan | |
Dagiti pagobraan | Botanika Entomolohia |
Dagiti patakder | Bristol School of Pharmacy Royal Botanical Gardens, Peradeniya Hakgala Botanical Garden |
Immuna idi a maysa nga accountant ni Thwaites ken nagadal iti botanika iti las-ud ti nawaya panawenna. Nangruna idi a nagay-ayat kadagiti akin-ababa a mula a kas ti algas ken dagiti cryptogam. Nagbalin a mabigbig a botaniko idi impakitana a dagiti diatomo ken saanda nga ayup, ngem algas. Idi 1846 naglektura isuna iti botanika iti eskuela ti parmasia ti Bristol ken kalpasanna iti eskuela ti medisina. Idi Marso 1849, iti ipupusay ni George Gardner, naidutok idi ni Thwaites a kas superintendente ti botanical gardens iti Peradeniya, Ceylon. Ti maysa a puesto a tinengngelna aginggana idi nagikkat idi 1879.[2]
Naaramid isuna kas maysa a Fellow of the Royal Society idi 1 Hunio 1865 kalpasan ti pannakaipablaak ti bukodna nga Enumeratio Plantarum Zeylaniæ, – (five fasciculi 1859–64). Dagiti notana ket nagbukel ti kapategan a paset ti Lepidoptera of Ceylon ni Frederic Moore's (3 vols 1880–9). Pinundarna ti Cinchona nurseries, Hakgala, Ceylon ken isu idi ket Board of Directors ti Alfred Model Farm Experimental Station a kanungpalan a nagbalin a Royal Colombo Golf Course.[3]