Francisco Sionil José
From Wikipedia, the free encyclopedia
Ni F. Sionil José wenno Francisco Sionil José (Disiembre 3, 1924 – Enero 6, 2022) ket maysa nga Ilokano a mannurat iti Ingles ken maysa kadagiti mabigbig a kalatakan a nobelista ken piksionista iti Ingles iti Filipinas ken pati iti Asia.
F. Sionil José | |
---|---|
Dagiti salaysay | |
Nayanak | Francisco Sionil José (1924-12-03)Disiembre 3, 1924 Rosales, Pangasinan, Filipinas |
Natay | Enero 6, 2022(2022-01-06) (tawen 97) Makati, Metro Manila, Filipinas |
Parbo a nagan | F. Sionil José |
Trabaho | Nobelista, mannurat, agiwarwarnak |
Pakipagilian | Filipino |
Etnisidad | Ilokano |
Alma mater | Unibersidad iti Santo Tomas (saan a nagtuloy) |
Panawen | 1962–2022 |
Kita | Saan a piksion |
Literario a tignay | Literatura ti Filipinas iti Ingles |
Kangrunaan nga ob-obra | Ti "Rosales Saga" Nobela (1962–1984) |
Kangrunaan a pammadayaw | Pablo Neruda Sentenario a Premio, Chile, 2004 (Kun Santo Zuiho Sho) Ti Urnos iti Sagrado a Gameng, Nabalitokan a Rayraya nga addaan iti Tengnged a Lasos, Hapon, 2001 |
Nayanak iti marigrigat a pamilia nga Ilokano iti Rosales, Pangasinan, ti lugar ti kaaduan kadagiti nobela ken saritana, nagbasa iti Unibersidad iti Santo Tomas kalpasan ti Maikadua a Sangalubongan a Gubat, ngem nagsardeng nga agbasa ket sinangona ti panagsurat ken panagiwarnak. Kadagiti simmaruno a tawtawen, nagbalin a mannurat ti nadumaduma a literario ken warnakan a pablaakan, nangirugi iti maysa a pagipablaakan, ken binangonna ti sanga iti Filipinas ti PEN, maysa nga internasional a gunglo dagiti mannurat.
Dagiti sinuratna manipud pay idi dekada 60, no matipontipon amin ket agbalin a kas epiko a ti kaadu ken kasaknap ti sakupna ket itandudona ni Jose iti pantok ti panagsuratan iti Ingles iti Filipinas. Ngem kangrunaanna, ti naynay a panangiganetgetna iti ar-arep-ep dagiti Filipino iti nailian a panagwaywayas ken naingimongan a husticia ti mangpatalged iti pateg dagiti obrana.
Iti lima-a-novela nga obramaestrana, ti Pannakigasanggasat iti Rosales, a buklen ti Po-on, Tree (Ilokano: Kayo), My Brother, My Executioner (Ilokano: Kabsatko, Mammitayko), The Pretenders (Ilokano: Dagiti Manglimlimo), ken Mass (Ilokano: Masa), imbislinna ti pakasaritaan ti Filipinas kabayatan nga es-estoriaenna dagiti kabibiag dagiti kaputotan dagiti Samson a dagiti personal a biagda ket nakabinggas iti pannakidangadang ti pagilian para iti hustisia ken wayawaya.