Davao Occidental

Ti Davao Occidental ket isu ti maika-81 ken kabaruan a probinsia iti Filipinas a mabirukan iti Rehion ti Davao idiay Mindanao.^[4][5] Ti kapitoliona ket ti Malita. Daytoy ket nabeddengan iti daya babaen ti Golpo ti Davao. Daytoy ket makibinningay pay ti danum a pagbeddengan iti probinsia ti Indonesia iti Amianan a Sulawesi iti abagatan.

Davao Occidental Lalawigan sa Davao Occidental
Probinsia
Mapa iti Filipinas a mangipakita ti pakasarakan iti Davao Occidental.
Nagsasabtan: 6°05′N 125°40′E
Pagilian	Filipinas
Rehion	Rehion ti Davao (Rehion XI)
Pannakabangon	Oktubre 28, 2013
Kapitolio	Malita
Gobierno [1]
• Kita	Probinsia
Kalawa
• Dagup	2,163.45 km2 (835.31 sq mi)
	[2]
Populasion  (2020)[3]
• Dagup	317,159
• Densidad	150/km2 (380/sq mi)
Pannakabingbingay
• Nawaya a siudad	0
• Komponente a siudad	0
• Munisipalidad	5
• Baranggay	105
• Distrito	Maymaysa a distrito
Sona ti oras	UTC+08 (PHT)
Koreo	Kitaen ti listaan
Pagsasao	Cebuano, Tagalog, Ingles

Pannakapartuat

Babaen ti Republika Tignay 10360 a naikeddeng idi Hulio 23, 2013, ti probinsia ket napartuat babaen ti pannakabukelna manipud iti akin-abagatan a paset ti Davao del Sur. Ti tignay ket naipasa babaen ti Kamara dagiti Pannakabagi ken ti Senado idi Nobiembre 28, 2012, ken Disiembre 5, 2012, ken pinirmaan babaen ni Presidente Benigno Aquino III idi Enero 14, 2013.^[4][6] Ti plebesito ket natengngel idi Oktubre 28, 2013 a kakuyogna idi dagiti panagbutos ti Baranggay ket ti kaaduan kadagiti naibutos ket ti pannakapartuat ti probinsia.^[5]

Ti panggep ti pannakapartuat ti probinsia ket ti mangpasayaat ti kasasaad ti ekonomia ket progresio sosial dagiti probinsia. Ni Senador Ferdinand Marcos Jr., nga isu ti nangiyaddang ti pannakapartuat ti Davao Occidental, ket inbanagan a ti kaadayo ti Siudad ti Digos, ti probinsial a kapitolio ti Davao del Sur, kadagiti sabsabali nga ili iti maikadua a Kongresional a Distrito ket adayuda unay ken mangpamadi ti pagibanagan ti epektibo a pannakaiyawat kadagiti batayan a serbisio, ken dagiti pay panagsurok kadagiti opisina ti gobierno.^[7]

Heograpia

Politikal

Ti probinsia ket politikal a nabingbingay kadagiti 5 nga ili:

• Don Marcelino
• Jose Abad Santos
• Malita, ti kapitolio ti probinsia
• Santa Maria
• Sarangani

Demograpia

Senso ti populasion ti Davao Occidental

Tawen Pop. ±% p.a. 1918 17,050 —     1939 30,775 +2.85% 1948 39,087 +2.69% 1960 48,704 +1.85% 1970 99,907 +7.44% 1975 127,604 +5.03% 1980 161,366 +4.81%	Tawen Pop. ±% p.a. 1990 209,429 +2.64% 1995 219,825 +0.91% 2000 254,512 +3.19% 2007 272,570 +0.95% 2015 316,342 +1.88% 2020 317,159 +0.05%
Taudan: PSA [8] [9] [10] [11]LWUA[12]

Kitaen pay

• Davao del Sur
• Dagiti probinsia ti Filipinas

Dagiti nagibasaran

1. Dagiti daulo ti probinsia: Departamento iti Kaunegan ken Lokal a Gobierno, Siudad ti Quezon- Naala idi 06 Enero 2013
2. "Probinsia: Davao Del Sur". Siudad ti Makati, Filipinas: National Statistical Coordination Board. Naiyarkibo manipud iti kasisigud idi 2014-04-16. Naala idi 9 Disiembre 2013.
3. Rehion ti Davao Dagup ti Populasion babaen ti Probinsia, Siudad, Munisipalidad ken Baranggay. Naala idi Hulio 8, 2021 (iti Ingles)
4. Sec. 46, RA 10360 Naiyarkibo 2013-11-02 iti Wayback Machine Ti Probinsia ti Davao Occidental ket mapartuatto, a kas naibaga iti daytoy a Dokumento ti Linteg, kalpasan ti pannakaikeddeng kadagit kaaduan a butos babaen dagiti agbutbutos iti mabanagan a lugar iti plebesito a maaramid ket imatonan babaen ti Komision dagiti Panagbutos (COMELEC) iti kaunegan ti innem a pulo (60) nga al-aldaw manipud iti petsa iti pannakapasingked daytoy a Dokumento ti Linteg.
5. Cayon, Carina L. (Oktubre 30, 2013). "Inaprobaran dagiti agbutbutos ti DavSur iti Davao Occidental". Ahensia ti Pakaammo iti Filipinasy. Naiyarkibo manipud iti kasisigud idi 2013-12-03. Naala idi 9 Disiembre 2013.
6. "Ti COMELEC agaramid ti plebesito para iti pannakapartuat ti Davao Occidental". Official Gazette. COMELEC. Septiembre 18, 2013. Naiyarkibo manipud iti kasisigud idi 2013-12-27. Naala idi Disiembre 9, 2013.
7. "Maibanaganton ti Davao Occidental". Senado iti Filipinas. Mayo 16, 2012. Naala idi Disiembre 9, 2013.
8. Senso ti Populasion (2020). "Rehion XI (Rehion ti Davao)". Dagup ti Populasion babaen ti Probinsia, Siudad, Munisipalidad ken Baranggay. Philippine Statistics Authority. Naala idi Hulio 8, 2021.
9. Senso ti Populasion (2015). "Rehion XI (Rehion ti Davao)". Dagup ti Populasion babaen ti Probinsia, Siudad, Munisipalidad ken Baranggay. Philippine Statistics Authority. Naala idi Hunio 20, 2016.
10. Senso ti Populasion ken Sangkabalayan (2010). "Rehion XI (Rehion ti Davao)". Dagup ti Populasion babaen ti Probinsia, Siudad, Munisipalidad ken Baranggay. National Statistics Office. Naala idi Hunio 29, 2016.
11. Dagiti Senso ti Populasion (1903–2007). "Rehion XI (Rehion ti Davao)". Tabla 1. Nabilangan ti Populasion kadagiti Nadumaduma a Senso babaen ti Probinsia/Nangato nga Urbano a Siudad: 1903 aginggana idi 2007. National Statistics Office.
12. "Probinsia ti Davao del Sur". Datos ti Populasion ti Munisipalidad. Local Water Utilities Administration. Naala idi Disiembre 17, 2016.

Dagiti akinruar a silpo

• Republika Tignay Blng. 10360: “Dolumento ti Linteg ti Probinsia ti Davao Occidental” Naiyarkibo 2013-11-02 iti Wayback Machine