Danaw Venado
danaw iti Filipinas / From Wikipedia, the free encyclopedia
Ti Danaw Venado ket ti maysa nga endorheiko a danaw a mabirukan iti sakaanan ti Bantay Apo iti probinsia ti Amianan a Cotabato, Mindanao, Filipinas.[3][4] Daytoy ti maikadua a kangatuan a danaw iti pagilian kalapsan ti Danaw Bulalacao iti Bantay Tabayoc idiay Benguet, a mabirukan kadagiti nagsasabtan ti 7°00′8″N 125°16′10″E,[5][6] iti maysa a nakarkulo nga elebasion ti rabaw iti 7,200 a kadapan (2,194 m iti ngato ti pantar ti baybay). Ti danaw ket pakanen dagiti lokal nga ayus ken awan ti pagruaran manipud iti danaw. Kadawyan a makapukaw ti danaw iti pagkatlo iti kadakkelana iti las-ud dagiti namaga a bulan gapu ti ebaporasion.
Danaw Venado | |
---|---|
Lokasion | Mindanao |
Nagsasabtan | 7°00′14″N 125°16′6″E |
Kita | Endorheiko a danaw |
Kaadaleman | 20 ft (6.10 m)[1] |
Kangato ti rabaw | 2,194.56 m (7,200.00 ft)[2] |
Dagiti nagibasaran | [2] |
Nagtaud ti nagan ti danaw manipud iti Espaniol a balikas iti venado, "ugsa," gapu ti kasla sukog ti ugsa ti danaw.[7] Nupay kasta, dagiti tattao nga agtataeng iti lugar ket tinawtawaganda ti danaw iti Linaw, ti Cebuano a balikas para iti "nalitnaw", gapu iti aglitnaw-kristal a replekto ti pantok ti Bantay Apo. Namatmati dagiti lokal a tribu a ti danaw ket naenkantado, ken tinataengan dagiti espiritu.[7]
Ti kaarrubayan ti danaw ket popular a kas pagkampingan para kadagiti agkalkalay-at itibantay a mapmapan wenno bumabbaba manipud iti pantok ti Bantay Apo, ti kangatuan a bantay iti Filipinas. Idi 2007, ti maysa a Filipino a kumalkalay-at iti bantay a nagpababa manipud iti pantok ket nalmes iti danaw.[1][8][9][10][11]