Danaw Paoay
danaw iti ili ti Paoay, Ilocos Norte, Filipinas / From Wikipedia, the free encyclopedia
Ti Danaw Paoay, lokal nga ammo a kas Dakkel a Danum[1], ket ti maysa a danaw iti ili ti Paoay iti amianan-akinlaud a Luzon iti Filipinas. Daytoy ti kadakkelan a danaw iti probinsia ti Ilocos Norte ken maysa kadagiti kadakkelan a masna a danaw iti lugar.
Danaw Paoay | |
---|---|
Lokasion | Ilocos Norte, Luzon |
Nagsasabtan | 18°7′12″N 120°32′22″E |
Kita | danaw |
Pagpagilian ti labneng | Filipinas |
Kalawa ti rabaw | 3.86 km2 (1.49 sq mi) |
Agpakatengnga a kaadalem | 6 m (20 ft) |
Kaadaleman | 10 m (33 ft) |
Kangato ti rabaw | baba ti pantar ti baybay |
Dagiti pagtaengan | Paoay |
Naipakasaritaan nga ammo kas Lago de Nanguyudan,[2] ti danaw ket isu kano idi ti lugar ti narang-ay a baranggay a tinawtawagan iti San Juan de Sahagún (San Juan ti Sahagún) a limned kalpasan ti masya a gingined.[3] Ti danaw ti nasadiwa a danum ken dagiti 1-kilometro (0.62 mi) a kaarrubayanna ken nairangarang idi a maysa nailian a parke idi 1969 babaen ti birtud ti Tignay ti Republika 5631.[4] Idi 1978, babaen ti Presidential Decree 1554, naipabassit ti kalawa ti parke iti 340 nga ektaria (3.4 km2) a naikonsentrado laeng iti danaw iti kangatuan a pantar ti danumna.[5]