![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/0c/Laacher_See_-_Luftaufnahme.jpg/640px-Laacher_See_-_Luftaufnahme.jpg&w=640&q=50)
Danaw Laach
abut ti bulkan a danaw idiay Alemania / From Wikipedia, the free encyclopedia
Ti Danaw Laach, makunkuna a Laacher See iti Aleman (Panangibalikas nga Aleman: [ˈlaːxɐ ˈzeː]), ket ti maysa a bulkaniko a kaldera a danaw iti diametro iti 2 km (1.2 mi) iidiay Renania-Palatinado, Alemania, iti agarup a 24 km (15 mi) iti amianan a laud ti Koblenz, 37 km (23 mi) iti abagatan ti Bonn, ken 8 km (5.0 mi) iti laud ti Andernach. Daytoy ket mabirukan iti kabambantayan ti Eifel, ken parte daytoy ti Daya a bulbulkan ti Eifel iti kaunegan ti dakdakkel a Bulkaniko nga Eifel. Nabukel ti danaw babaen ti maysa a Pliniano a panagbettak kadagiti agarup a 13,000 a tawen iti kasakbayan ti agdama iti maysa nga Volcanic Explosivity Index (VEI) iti 6, a kas iti kapada a kapigsa ti panagbettak ti Bantay Pinatubo idi 1991.[1][2][3][4][5] Ti maobserbar a bulkaniko a lumlumpias a kas dagiti mofetta iti akin-abagatan daya nga aplaya ti danaw ket dagiti senias ti mabalin nga aktibo a bulkanismo.
Danaw Laach | |
---|---|
![]() Buya iti kaldera ti bulkan | |
Lokasion | Ahrweiler, Renania-Palatinado |
Nagsasabtan | 50°24′45″N 07°16′12″E |
Kita | Bulkaniko a kaldera a danaw |
Kangrunaan a sumrekan | Awan |
Kangrunaan a rummuaran | Fulbert-Stollen (kanal) |
Pagpagilian ti labneng | Alemania |
Kadakkelan a kaatiddog | 1.964 km (1.220 mi) |
Kadakkelan a kaakaba | 1.186 km (0.737 mi) |
Kalawa ti rabaw | 3.31 km2 (1.28 sq mi) |
Agpakatengnga a kaadalem | 31 m (102 ft) |
Kaadaleman | 51 m (167 ft) |
Tomo ti danum | 1.03 km3 (0.25 cu mi) |
Kaatiddog ti aplaya1 | 7.3 km (4.5 mi) |
Kangato ti rabaw | 275 m (902 ft) |
Is-isla | None |
1 Ti kaatiddog ti aplaya ket saan a nasayaat a panagrukod. |