Danaw Baikal
kaduogan a nasadiwa a danum a danaw iti lubong a mabirukan idiay Rusia / From Wikipedia, the free encyclopedia
Ti Danaw Baikal (Ruso: о́зеро Байка́л, tr. Ozero Baykal, IPA: [ˈozʲɪrə bɐjˈkal]; Ruso a Buryat: Байгал нуур, Mongol: Байгал нуур, Baygal nuur, a kayatna a sawen ket "masna a danaw";[4] Kirgistan: Байкол, a kayatna sawen ket "nabaknang a danaw") ket isu ti kaduogan a danaw iti lubong,[5] iti 25 a riwriw a tawtawen.[6]
Danaw Baikal | |
---|---|
Lokasion | Siberia, Rusia |
Nagsasabtan | 53°30′N 108°0′E |
Kita ti danaw | Taga-ugma a danaw, Kontinental a rengngat a danaw |
Kangrunaan a sumrekan | Selenga, Barguzin, Akinngato nga Angara |
Kangrunaan a rummuaran | Angara |
Pagayusan a lugar | 560,000 km2 (216,000 sq mi) |
Pagpagilian ti labneng | Rusia ken Mongolia |
Kadakkelan a kaatiddog | 636 km (395 mi) |
Kadakkelan a kaakaba | 79 km (49 mi) |
Kalawa ti rabaw | 31,722 km2 (12,248 sq mi)[1] |
Agpakatengnga a kaadalem | 744.4 m (2,442 ft)[1] |
Kaadaleman | 1,642 m (5,387 ft)[1] |
Tomo ti danum | 23,615.39 km3 (5,670 cu mi)[1] |
Panagnaed a panawen | 330 a tawtawen[2] |
Kaatiddog ti aplaya1 | 2,100 km (1,300 mi)[3] |
Kangato ti rabaw | 455.5 m (1,494 ft) |
Nayelo | Enero–Mayo |
Is-isla | 27 (isla Olkhon) |
Dagiti pagtaengan | Severobaykalsk, Slyudyanka, Baykalsk, Ust-Barguzin |
Kriteria | Masna: vii, viii, ix, x |
Nagibasaran | 754 |
Inskripsion | 1996 (maika-20 a Sesion) |
Kalawa | 8,800,000 ha |
1 Ti kaatiddog ti aplaya ket saan a nasayaat a panagrukod. |
Daytoy ket mabirukan idiay abagatan ti Rusia a rehion ti Siberia, a nagbaetan ti Irkutsk Oblast iti amianan a laud ken ti Buryat a Republika iti abagatan a daya, daytoy ti kaaduan ti tomo a nasadiwa a danum a danaw iti lubong, nga aglaon ti agarup a 20% iti saan a nayelo a rabaw ti nasadiwa a danum iti lubong.[7]
Iti 1,642 m (5,387 ft),[1] ti Danaw Baikal ket isu ti kaadaleman[8] ken maysa kadagiti kalitnawan[9] kadagiti amin a danaw ti lubong. Kapadpada ti Danaw Tanganyika, ti Danaw Baikal ket naporma idi a kas maysa a taga-ugma a renggat a ginget, nga adda ti kadawyan nga atiddog nga immindayon a sukog nga adda ti kalawa ti rabaw iti 31,722 km2 (12,248 sq mi). Ti Baikal ket pagtaengan dagiti sumurok a 1,700 a sebbangan dagiti mula ken dagiti ayup, dua a pagkatlo ket saan a mabirukan ti ania man a lugar iti lubong[10] ken daytoy ket nairangarang idi a UNESCO Sitio a Tawidan ti Lubong idi 1996.[11] Daytoy ket pagtaengan pay dagiti tribu ti Buryat nga agtataeng idiay daya a bangir ti Danaw Baikal,[12][13] nga agtartaraken kadagiti kalding, kamelio, baka ken karnero,[13] a ti natimbengan a rehional a temperatura ket agdumaduma manipud iti kababaan a −19 °C (−2 °F) iti panaglalam-ek aginggana ti kangatuan ti 14 °C (57 °F) iti kalgaw.[14] Ti Danaw Baikal ket nabirngasan a kas ti "Bakbaket a kabsat dagiti Agkakabsat a Babbai a Danaw (Danaw Khövsgöl ken Danaw Baikal)".