![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/84/Coat_of_arms_of_the_Philippines.svg/langilo-640px-Coat_of_arms_of_the_Philippines.svg.png&w=640&q=50)
Dagiti lehislatibo a distrito iti Cagayan
From Wikipedia, the free encyclopedia
Dagiti Lehislatibo a Distrito iti Cagayan, ket isu dagiti umuna, maikadua ken maikatlo a distrito, ken isu dagitoy ti agdama a pannakabagi ti probinsia ti Cagayan iti Kamara dagiti Pannakabagi ti Filipinas.
Ti probinsia ket nabingbingay idi kadagiti dua a distrito ti pannakabagi manipud idi 1907 aginggan idi 1972, nga adda iti bassit a panagbaliw kadagiti pagbeddengan ti distrito nga inbilin babaen ti Tignay Blng. 3032 a naikeddeng idi Marso 19, 1922 ken nangrugi kadagiti panagbutos idi 1922 . Ti Batanes ket naudi a nairepresenta a kas paset ti umuna a distrito ti probinsia idi 1909, kalpasan ti pannakabangonna manenn a kas probinsia babaen ti Tignay Blng. 1952 a naikeddeng idi Mayo 20, 1909 a nakaalaanna iti bukodna a pannakabagi.
Ti Cagayan ket nairepresenta idi ti Interim Batasang Pambansa a kas paset ti Rehion II manipud idi 1978 aginggana idi 1984, ken nagbutos kadagiti tallo a sapasap a pannakabagi iti Kadawyan a Batasang Pambansa idi 1984. Ti probinsia ket naidistrito manen kadagiti tallo a kongresional a distrito babaen ti baro a Batay-linteg a napasingkedan idi Pebrero 7, 1987, ken nagbutos kadagit kameng ti naipasubli a Kamara dagiti Pannakabagi iti isu met laeng a tawen.