Cucurbitaceae
pamilia ti mulmula / From Wikipedia, the free encyclopedia
Ti Cucurbitaceae matawtawagan pay iti cucurbits ken ti pamilia ti tabungaw, ket dagiti pamilia ti mula a mangbukel kadagiti agarup a 965 a sebbangan kadagiti agarup a 95 a henero,[2] dagiti kangrunaan ket ti:
- Cucurbita – karabasa, pumpkin, zucchini, ken dagiti dadduma a tabungaw
- Lagenaria – calabash, ken dagiti dadduma a saan a makan
- Citrullus – sandia (C. lanatus, C. colocynthis) ken dagiti dadduma
- Cucumis – pipino (C. sativus), dagiti nadumaduma a melon
- Luffa – luffa pay ti kadawyan a nagan, sagpaminsan a mailetra iti loofah
Cucurbitaceae Sakup ti panawen: Nasapa a Paleoseno aginggana iti Kaudian, 62–0 Ma PreЄ
Є
O
S
D
C
P
T
J
K
Pg
N
| |
---|---|
Lalaki a mula a Hodgsonia | |
Taksonomia | |
Pagarian: | Plantae |
Klado: | Tracheophytes |
Klado: | Angiospermae |
Klado: | Eudicotidae |
Klado: | Rosids |
Urnos: | Cucurbitales |
Pamilia: | Cucurbitaceae Juss.[1] |
Henero-kita | |
Cucurbita | |
Dagiti tribu ken henero | |
Kitaen ti teksto. |
Dagiti mula iti daytoy a pamilia ket naimuyongan kadagiti tropiko ken kadagiti temperado a lugar, a dagiti addaan iti makan a bunga ket isuda ti kasapaan a naimulmula kadagiti Daan ken Baro a Lubong. Mairanggo ti pamilia ti Cucurbitaceae kadagiti kaaduan ti bilang a pamilia ti mula ken porsiento dagiti sebbangan nga inus-usar a makan iti tao.[3]
Buklen ti Cucurbitaceae dagiti 98 a naisingasing a henero nga agraman kadagiti 975 a sebbangan,[4] a naipangpangruna kadagiti rehion ti tropikal ken subtropikal. Amin dagiti sebbangan ket senitibo iti linaaw a nagbalay. Kaaduan kadagiti mula iti daytoy a pamilia ket dagiti tinawen nga agkalatkat, ngem adda dagiti natarikayo a liana, nasiit a bassit a kayo, wenno kaykayo (Dendrosicyos). Adu kadagiti sebbangan ket dakkel, duyaw wenno puraw a sabsabong. Nadutdotan ken pentangular dagiti ungkay. Adda dagiti pakalatkat iti 90° kadagiti pesiolo ti bulong kadagiti nodo. Dagiti bulong ket agsisinublat nga estipula a simple a palmato wenno dua palmato. Dagiti sabong ket uniseksual, nga addaan kadagiti lalaki ken babai a sabong kadagiti sabali a mula (dioecious) wenno iti isu met laeng a mula (monoecious). Dagiti babai a sabong ket inferior nga iitlogan. Ti bunga ket masansana kas ti nabaliwan a berry a tinawtawagan iti pepo.