maika-3 a letra ti Latin nga abesedario From Wikipedia, the free encyclopedia
Ti C ket ti maika-3 a letra iti alpabeto a Romano.
Ehipsio | Penisio a gaml |
Lumaud a Griego Gamma |
Etrusko C |
Daan a Latin C (G) |
Latin C | ||
---|---|---|---|---|---|---|---|
Nagtaud ti "C" iti isu met laeng a letra a kas iti "G". Pinanaganan dagiti Semitia ti letra iti gimel. Naiadaptar ti senial ngata manipud iti heroglipiko nga Ehipsio para iti honda, ngata ti kaipapanan ti nagan a gimel. Ti sabali a posibilidad ket pannakailadawan ti maysa a kamelio, wenno para dagiti Semita, gamal. Nupay kasta, sigun ken ni Barry B. Powell, espesialista iti pakasaritaan ti panagsurat, "Narigat a panunoten no kasano a ti gimel = 'kamelio' ket naala manipud iti ladawan ti maysa a kamelio (nalabit maipakita ti bukotna, wenno ti ulona ken tengngedna!)".[1]
Iti pagsasao nga Etrusko, awan dagiti konsonante nga oklusibo iti ponasion a konstrastibo, ngarud iti alpabeto nga Etrusko, naampon ti Griego a Gamma (Γ) tapno mangirepresentar ti /k/. Addan iti alpabeto a Lumaud a Griego, naaddaan ti Gamma iti porma a "" iti Nasapa nga Etrusko, kalpasanna iti Klasiko nga Etrusko. Iti Latin, iti kamaudiananna naaddaanna iti porma a "c" iti Klasiko a Latin.
Kadagiti kaunaan nga inskripsion a Latin, nangirepresentar ti c k q iti uni a /k/ ken /g/ (a saan a naiduma iti panagsurat). Iti daytoy a sistema, nangirepresentar ti q iti /k/ wenno /ɡ/ sakbay ti maysa a napalikbut a bokal, k sakbay ti a, ken c iti sabali a lugar.
Bayat ti maikatlo a siglo K.K., nairuar ti nabaliwan a karakter para iti /ɡ/, ket naidulin ti c a mismo para iti /k/. Sinukatan ti panagusar ti c (ken variantena g) iti kaaduan a panagusar ti k ken'q. Gapuna, kabayatan ken kalpasan ti klasiko a panawen, para dagiti Romano katupag ti g iti Griego a gamma, ken c iti kappa. Makita tayo daytoy iti romanisasion dagiti Griego a sao, kas pagarigan ΚΑΔΜΟΣ (cadmvs), ΚΥΡΟΣ (cyrvs), ken ΦΩΚΙΣ (phocis). (Para iti panagusar ti v imbes a u, kitaen ti U.)
Kadagiti dadduma nga alpabeto, adda dagiti letra a homoglipiko iti "c" ngem saan a kapadpada iti panagusar ken panagipataud, a kas ti Siriliko a letra Es (С, с) a nagtaud iti lunato a sigma.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.