From Wikipedia, the free encyclopedia
Ti Baybay Savu (wenno ti Baybay Sawu) ket ti bassit a baybay iti kaunegan ti Indonesia ken nainaganan para iti isla ti Savu (Sawu) iti akin-abagatan a pagbeddengannna. Daytoy ket bineddengan babaen ti Savu ken Rai Jua iti abagatan, dagiti isla ti Rote ken Timor (pagbaetan a nagbingayan ti Daya a Timor ken Indonesia) iti daya, ti Flores ken ti Purpuro Alor iti amianan/amianan a laud, ken ti isla ti Sumba iti laud/amianan a laud. Iti pagbaetan kadagitoy nga isla, daytoy ket agayus idiay Taaw Indiano iti abagatan ken iti laud, ti Baybay Flores iti amianan, ken ti Baybay Banda iti amianan a daya.
| Baybay Savu | |
|---|---|
| Baybay Sawu | |
 Lokasion ti Baybay Savu iti kaunegan ti Abagatan a daya nga Asia | |
| Lokasion | Abagatan a daya nga Asia |
| Nagsasabtan | 9°45′S 122°00′E |
| Kita | Baybay |
| Etimolohia | Isla Savu |
| Parte ti | Taaw Indiano |
| Pagpagilian ti labneng | Daya a Timor ken Indonesia |
| Dagiti pagtaengan | Kupang |
Ti Baybay Savu ket makaabot iti agarup a 3500 m iti kaadalem. Daytoy ket sakupenna iti agarup a 600 km manipud iti laud aginggana iti daya, ken 200 km manipud iti amianan aginggana iti abagatan. Ti kadakkelan a siudad iti baybay ket ti Kupang, ti kapitolio ti Daya a Nusa Tenggara ti probinsia iti isla ti Timor ken adda met dagiti agarup a 450,000 nga agtataeng.
Ipalawag ti Gunglo ti Internasional a Hidrograpiko (IHO) ti Baybay Savu a kas maysa kadagiti danum ti Purpuro ti Daya nga India. Ipalawag ti IHO ti patinggana a kas dagiti sumaganad:[1]
Iti amianan. Babaen dagiti akin-abagatan a patingga ti Baybay Flores [Dagiti aplaya ti amianan ti Flores, Komodo, Banta ken ti linia iti Tanjong Naroe ti amianan a daya a punto ti Soembawa, kalpasanna iti igid ti amianan anga aplayana aginggana iti Tanjong Sarokaja (8°22′S 117°10′E)] ken Baybay Banda [125° Daya … [iti] Isla Alor, kalpasanna iti lawlaw ti daya a punto ken ti igid dagiti aplaya ti amianan ti Alor, Pantar, dagiti isla ti Lomblen ken Adoenara ken kalpasanna iti ballasiw ti akin-amianan a patingga ti Lingsat Flores aginggana iti Tanjong Serbete ti akindaya unay a patingga ti Flores].
Iti daya. Babaen ti meridiano ti 125° Daya iti pagbaetan ti Alor ken Timor.
Iti abagatan. Babaen ti linia manipud iti abagatan a laud a punto ti Timor aginggana iti amianan a daya a punto ti Roti, babaen ti daytoy nga isla aginggana iti abagatan a laud a puntona, kalpasanna tilinia a mapan iti Poeloe Dana (10°49′S 121°17′E) ken aginggana iti Tanjong Ngoendjoe, ti akin-abagatan unay a patinga ti Soemba ken babaen ti daytoy nga isla aginggana iti Tanjong Karosso iti akinlaud a puntona.
Iti laud. Ti linia manipud iti Tanjong Karosso (Soemba) aginggana iti Toro Doro (8°53′S 118°30′E) iti abagatan nga aplaya ti Soembawa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
