Baybay Liguria
baybay From Wikipedia, the free encyclopedia
baybay From Wikipedia, the free encyclopedia
Ti Baybay Liguria (Italiano: Mar Ligure; Pranses: Mer Ligurienne) ket ti maysa nga ima ti Baybay Mediteraneo, iti pagbaetan ti Italiano a Riviera (Liguria ken Toscana) ken ti isla ti Corsica. Ti baybay ket mabalin a nanagan manipud iti taga-ugma a tattao ti Ligures.
Ti baybay ket beddenganna ti Italia iti kaadaywan a pagbeddenganna iti Pransia, ken ti isla ti Pransia iti Corsica. Iti daya ti baybay ket beddenganna ti Baybay Tirreno, bayat nga iti laud ket beddenganna ti maitutop a Bayaby Mediteraneo. Ti Genoa ket isu ti kangrunaan a siudad iti lugar. Ti amianan a laud nga aplaya ket nalatak para iti napintas a buya ken nasayaat a klima.
Ti Golpo ti Genoa ket adda iti akin-amianan unay a partena. Ti baybay ket pagayusan ti Karayan Arno manipud iti daya ken dagiti dadduma pay a karayan nga agtaud manipud kadagiti Apenino. Dagiti puerto ti Genoa, La Spezia, ken Livorno ket ket mabirukan kadagiti nabato nga aplayana. Daytoy ket makaabot iti kaadalem iti sunurok a 9,300 kadkadapan (2,850 m) iti amianan a laud ti Corsica.
Ipalawag ti Gunglo ti Internasional a Hidrograpiko dagiti patingga ti Baybay Ligura a kas dagiti sumaganad:[1]
Iti abagatan a laud. Ti linia a mangisilpo ti Rawis Corse (Rawis Grosso, 9°23'E) ti akin-amianan a punto ti Corsica aginggana iti prontera a pagbaetan ti Pransia ken Italia (7°31'E).
Iti abagatan a daya. Ti linia a mangisilpo ti Rawis Corse iti Isla Tinetto (44°01′N 9°51′E) ken kalpasan babaen ti Is-isla ti Tino ken Palmaria aginggana iti Punto San Pedro (44°03′N 9°50′E) iti aplaya ti Italia.
Iti amianan Ti aplaya ti Liguria iti Italia.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
