bantay iti Filipinas From Wikipedia, the free encyclopedia
Ti Bantay Mantalingajan (wenno Mantalingahan wenno Mantaling) ket ti kangatuan a punto iti probinsia ti Palawan, Filipinas. Mabirukan daytoy iti akin-abagatan a parte ti Isla ti Palawan a mangbukel iti kangatuan a parte ti Ultramapiko a heolohikal a rehion ti Banbantay Beaufort, ti maysa a serye dagiti ultramapiko batbato iti taudan nga Eoseno, a pangbuklan ti Bantay Victoria iti kadakkelan nga agkasigkay a lugar ti daga. Ti pantok ti bantay ket isu ti kangatuan a punto iti Palawan.[2]
| Bantay Mantalingajan | |
|---|---|
 Ti bantay a kas makita manipud idiay Ransang, Hulio 4, 2007 | |
| Kangatuan a punto | |
| Kangato | 2,085 m (6,841 ft) [1] |
| Kalatak | 2,085 m (6,841 ft) [1] |
| Listaan | Ultra |
| Nagsasabtan | 8°49′06″N 117°40′11″E |
| Heograpia | |
.svg)  Bantay Mantalingajan Lokasion iti kaunegan ti Filipinas .svg) Bantay Mantalingajan Bantay Mantalingajan (Filipinas) | |
| Lokasion | Palawan |
| Pagilian | Filipinas |
| Region | MIMAROPA |
| Probinsia | Palawan |
| Ili | Brooke's Point |
| Nagannak | Kabambantayan ti Mantalingahan |
Mangbukel ti bantay ti tengnga ti Nasalakniban a ladawan ti daga ti Bantay Mantalingahan (MMPL), ti maysa a nailian a parke a mangsakop iti intero a Kabambantayan ti Bantay Mantalingahan. Ti kasasaad ti nasalakniban a lugar iti MMPL ket naudi a nairangarang idi 23, 2009, babaen ti birtud ti Proklamasion Blng. 1815. Sakupen ti nasalakniban a lugar ti maysa a kalawa iti 120,457 nga ektaria. Ti intero a parke ket agdama a nailista a kas maysa a tentatibo a lugar para iti inskripsion ti Lugar a Tawid ti Lubong ti UNESCO.[3]
Ti agtultuloy a pannakaduktal dagiti baro a sebbangan iti mula ken ayup manipud iti bantay ket mangipakita ti kinapangruna a pateg ti ekolohia ken ti kinapangruna iti panagtaripato dagiti kasta a nasalakniban a sona iti sanguanan dagiti kanayon a presion ti panagtarikayo ken panagmina. Dagiti sebbangan ti mula a pitcher, Nepenthes mantalingajanensis, a naipalawag idi 2007, ket nanaganan manipud iti bantay.[4] Idi Mayo 2018, pormal nga inrugi ti UNESCO ti proseso a mabalinto a mangirangarang ti ladawan ti daga akas maysa a lugar ti tawid iti lubong intono 2020.[5]
Ti Bantay Mantalingajan ket maysa kadagiti karigatan a makalay-at a bantay iti Filipinas, a nagraduan iti Karigat iti 9/9 babaen ti lokal a website ti PinoyMountaineer.com. Ti kadawyan a dalan ket mangrugi manipud iti Baranggay Ransang iti Rizal iti abagatan-laud nga aplaya ti Palawan. Nasken ti tallo nga aldaw a pannagna tapno maabotan ti pantok ken dua nga aldaw iti panagsubli manipud iti nagruggian, iti dagup a lima nga aldaw, malaksid no kayat ti maysa pay nga aldaw iti panagsukimat iti pantok ken dagiti kaarrubayan. Dagiti makita iti dalan ket mairaman iti pannakasarungkar iti tribu ti Tau't Bato ken ti Balawbaw a pagnaan iti "Knife Edge" a pakaiturongan iti pantok.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
