bantay iti Filipinas From Wikipedia, the free encyclopedia
Ti Bantay Calavite ket ti maysa a pantok a mabirukan iti isla ti Mindoro iti Filipinas. Daytoy ket agrukod iti 1,521 metro (4,990 ft) iti kangato a mabirukan iti kanaganna nga ulo ti daga ti Rawis Calavite a mangbukel iti kadaywan a punto iti amianan-akinlaud ti Mindoro.[1] Ti bantay ket tan-awanna ti ili ti Paluan iti abagatan ken ti grupo ti Isla Lubang iti Dalan Isla Verde iti amianan. Daytoy ket maysa laeng kadagiti tallo a lugar iti isla a pakabirukan dagiti ansisit a nuang ti Mindoro, a kadawyan nga ammo a kas dagiti tamaraw.
Bantay Calavite | |
---|---|
Kangatuan a punto | |
Kangato | 1,521 m (4,990 ft) [1] |
Nagsasabtan | 13°29′00″N 120°24′00″E |
Heograpia | |
Lokasion | Mindoro |
Pagilian | Filipinas |
Rehion | MIMAROPA |
Probinsia | Occidental Mindoro |
Ili | Paluan |
Panagsang-at | |
Dalan (kalakaan) | Manipud iti Paluan, Occidental Mindoro |
Mabirukan ti Bantay Calavite iti 18,016.19-ektaria (44,519.0-acre) a nasalakniban a lugar nga ammo a kas ti Santuario ti Kaatapan ti Bantay Calavite. Daytoy ket immuna a nairangarang a kas maysa a reserba ti ayup ken santuario ti billit idi 1920 tapno masalakniban ti masna a habitat ti endemiko a tamaraw ti Mindoro. Idi 1925, nairangarang a kas nailian a parke ti bantay ken ti kaaripingna a lugar iti purok ti FB Harrison, Paluan.[2] Ti agdama a pannakaikeddeng ti parke a kas santuario ti kaatapan ket nangrugi idi 2000.[3]
Dagiti sabali pay a biag iti kaatapan nga agtataeng iti parke ket mairaman dagiti endemiko a sebbangan ti billit a kas ti agdardara iti puso ti Mindoro, kalaw ti Mindoro, naturiakn nga imperial a pagaw ken ti scarlet-collared flowerpecker.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.