Bantay Balatukan
kompuesto nga estratobulkan idiay akin-abagatan nga isla ti Mindanao, Pilipinas From Wikipedia, the free encyclopedia
Ti Bantay Balatukan ket ti dakkel a kompuesto nga estratobulkan idiay akin-abagatan nga isla ti Mindanao, Filipinas. Daytoy ket awan kadagiti naipakasaritaan a panagbettak a mangipakpakita ti pumaroliko nga aktibidad. Ti 2,450-metro (8,040 ft) a bantay ket natuktokan ti dakkel nga abut ti bulkan babaen ti sukog ti trianggulo a kaldera ti 15 kilometro (9.3 mi) a kaatiddog ken 10.6 kilometro (6.6 mi) iti kaakabana. Ti Karayan Balatocan ket agtaud ti danumna manipud kadagiti panagayus ti danum ti dakkel nga abut ti bulkan.[3]
| Bantay Balatukan | |
|---|---|
| Bantay Balatocan Bantay Balingoan | |
 Ti Bantay Balatukan a kas nakitkita manipud iti akinlaud a bangir | |
| Kangatuan a punto | |
| Kangato | 2,450 metro (8,040 ft) [1][2] |
| Nagsasabtan | 8°46′12″N 124°58′48″E |
| Heograpia | |
.svg)  Bantay Balatukan Lokasion ti Bantay Balatukan idiay Filipinas | |
| Lokasion | Misamis Oriental, Filipinas |
| Heolohia | |
| Tawen ti bato | Holoseno |
| Kita ti bantay | Kompuesto nga estratobulkan[1] |
| Arko/barikes | Arko ti Tengnga a Mindanao |
| Naudi a bimtak | Di ammo |
Ti bantay ket nasalakniban a lugar iti pagilian ken naidasig a kas Masna a Parke babaen ti nagan a Masna a Parke ti Kabambantayan ti Bantay Balatukan. Ti parke ket aglawa iti 8,423.00 ektaria (20,813.7 acre) nga addaan iti paglappedan a sona iti 1,222.00 ektaria (3,019.6 acre). Daytoy ket napartuat idi Marso 6, 2007 babaen ti Proklamasion Blng. 1249.[4][5]
Ti Bantay Balatukan ket napno a mabirukan idiay Probinsia ti Misamis Oriental iti rehion ti Amianan a Mindanao, Filipinas. Ti aplaya a kalsada a nagbaetan ti Balingasag, Misamis Oriental ken Siudad ti Gingoog ket palikmutanna ti akin-amianan a lawlaw ti bantay idiay amianan nga aplaya ti Mindanao.
Ti Bantay Balatukan ket estratobulkan nga agtayag iti 2,450 metro (8,040 ft) asl (GVP). Ti Instituto ti Filipinas iti Bulkanolohia ken Sismolohia (PHIVOLCS).
Ti satelite a panangiladawan ket mangipakpakita ti napusek a kabakiran a peninsula a sumariw-at iti amianan idiay Baybay Bohol.[6]
Awan dagiti naipakasaritaan a panagbettak ti Bantay Balatukan. Ti tawen ti naudi a panagbettak ket saan pay a inad-adal, urayno adda met dagiti agay-ayus a lava kadagiti bakras ti bantay a naikeddeng a kas Pleistoseno. Adda met ti pumaroliko nga aktibidad iti bantay, ngem ti pormana ket mangiparang ti nakaro a nurunor.[1]
Ti Bantay Balatukan ke paset dagiti bulkan ti Arko ti Tengnga a Mindanao. Ti akin-amianan unay nga ungtona ket tinawtawagan ti Punto Sipaka, a mangitudo daytoy ti amianan a daya, ken 267 metro (876 ft) nga eskoria a balisongsong ti bassit a peninsula a tinawtawagan ti Bantay Sipaka.[7][8]
Ti kita ti bato ket saan a mabalin a magun-od.
Ilista ti Programa ti Global a Bulkanismo ti naudi nga aktibidad ti Bantay Balatukan a kas Holoseno ngem Di naikeddeng.[9]
Ti Instituto ti Filipinas iti Bulkanolohia ken Sismolohia (Phivolcs) ket ilistana ti Balatukan a kas Di aktibo, urayno ti bulkan ket mangipakpakita ti pumaroliko nga aktibidad.[10]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
