Agrikultura
panagtalon kadagiti ayup, mula, fungi, ken dadduma pay a porma ti biag / From Wikipedia, the free encyclopedia
Ti agrikultura, makunkuna pay iti panagtalon wenno talonen, ket isu ti panagtalon kadagiti ayup, mulmula, fungi, ken dagiti dadduma pay a porma ti biag para iti taraon, sagut, bio-sungrod ken dagiti dadduma pay a produkto nga inus-usar tapno matalinaay ti biag.[1] Ti agrikultura ket isu ti kangrunaan a nairang-ay iti pannakaipangato ti sedentario a sibilisasion ti tao, nga ti panagtalon iti panagpaamo kadagiti sebbangan ket nagpartuat kadagiti taraon a nangitagibi ti sibilisasion. Ti panagadal ti agrikultura ket makunkuna a kas maipapan ti agrikultura a siensia. Ti agrikultura iti sapsap a panagibagbaga ket mangitudtudo kadagiti tignay ti tao, urayno daytoy ket napalplaiiw pay kadagiti naisangayan a sebbangan iti kuton ken anay.[2][3] Ti balikas nga agrikultura ket isu ti pannaka-ampon iti Latin nga agricultūra, manipud iti ager, "maysa atalon",[4] ken cultūra, "kultibasion" iti nainget a kapanunotan iti "panagkali iti daga".[5] Isunga, ti literal a panagbasa ket mangited iti "panagkali iti taltalon".