Օլթրինգեմ
From Wikipedia, the free encyclopedia
From Wikipedia, the free encyclopedia
Օլթրինգեմ (անգլ.՝ Altrincham; /ˈɒltrɪŋəm/ ( ), [ol-tring-əm]), քաղաք Թրաֆֆորդում, Մեծ Մանչեսթեր, Անգլիա, Մերսի գետից հարավ, 13 կմ հարավ-արևմուտք Մանչեստրի քաղաքային կենտրոնից և 5 կմ հարավ-արևմուտք Սեյլից։ Համաձայն 2001 թվականի մարդահամարի, քաղաքում ապրել է 41 000 մարդ, ըստ 2011 թվականի մարդահամարի, բնակչության քանակը աճել է մինչև 52 419։ Ըստ 2015 թվականի գնահատման, Օլթրինգեմի բնակչությանը քանակը կազմել է 54 837 մարդ[2]։
Բնակավայր | ||
---|---|---|
Օլթրինգեմ | ||
անգլ.՝ Altrincham | ||
Երկիր | Միացյալ Թագավորություն | |
Համայնք | Թրաֆորդ | |
Մակերես | 10,26 կմ² | |
Բնակչություն | 52 419 մարդ (2011)[1] | |
Ժամային գոտի | UTC+0 | |
Հեռախոսային կոդ | 0161 | |
Փոստային դասիչ | M32 | |
| ||
Լինելով Չեշայրի պատամական մաս, Օլթրինգեմը հիմնադրվել է 1290 թվականին, որպես առևտրական քաղաք, չնայած նրան նրա հիմնադրման պահին գյուղատնտեսությունը գեռակշռում էր առևտրին։ Օլթրինգեմը մնում է արևտրական քաղաք և մինչ այսօր։ Քաղաքի սոցիալ-տնտեսական զարգացմանը խթանեց 1765 թվականին Բրիջուոտերյան ջրանցքի կառուցումը և 1849 թվականին երկաթուղիների կառուցումը, որից հետո քաղաքը սկսեց մեծ տեմպերով զարգացնել իր արդյունաբերությունը։ Քաղաք սկսեց ընդլայնվել, կլանելով մերձակա գյուղերը։
Ներկա ժամանակներում Օլթրինգեմը հանդիսանում է Մանչեստրի ապահովված շրջան, մեծապես զարգացած տրանսպորտայինհամակարգի շնորհիվ։ Օլթրինգեմում ավանդաբար (XIX դարից) բնակվում են «միջին դասի» հովանավորները։ Քաղաքում տեղակայված է «Օլթրինգեմ» ֆուտբոլային ակումբը և երեք հոկեյի ակումբներ, «Մանչեսթեր Սթորմ», «Օլթրինգեմ Էյսեզ» և «Թրաֆֆորդ Տորնադոս»։
Ալթրինգեմը գտնվում է Մեծ Մանչեստր քաղաքային ագլոմերացիայի հարավ-արևմտյան եզրին, Սեյլից հարավ և Մանչեստր քաղաքի կենտրոնից 13 կիլոմետր հարավ-արևմուտք։ Այն գտնվում է Չեշիրի դաշտի հյուսիսարևմտյան անկյունում՝ Մերսիից հարավ։ Քաղաքն անցնում է Բրիջուոտեր ջրանցքով։ Կլիման քաղաքում չափավոր է:Տարեկան միջին ջերմաստիճանը փոքր-ինչ բարձր է Մեծ Բրիտանիայի միջինից. միջին տարեկան տեղումները և անամպ եղանակի ժամանակաշրջանները մի փոքր ցածր են երկրի միջինից[3]։
Սալեի, Սթրետֆորդի և Էրմստոնի հետ միասին, Ալթրինգեմը Տրաֆորդի չորս հիմնական քաղաքներից մեկն է։ Ալթրինգեմի գոտին, ըստ Տրաֆորդի խորհրդի, գտնվում է հարավային Տրաֆորդում։ Բացի Ալթրինգեմից, այն ներառում է Թիմպերլի, Բուդոն, Հեյլ և Հեյլ Բարնս գյուղերը։ Ալթրինգեմում գտնվող Բրոդհիթի շրջանը մինչև 1970-ական թվականները եղել է թեթև արդյունաբերության կենտրոնը և այժմ էլ այտեղ է գտնվում առևտրի համալիրը։ Դրա կենտրոնում է գտնվում Ալթրինգեմի ամենաբազմամարդ հատվածը[4][5]։
1903 թվականին հիմնադրվել է «Օլտրինգեմ» ֆուտբոլային ակումբը, որը «Մոսս Լեյն» մարզադաշտում անցկացնում է ընտանեկան խաղեր։ 1970-1980-ական թվականներին «Օլտրինգեմը» ձեռք բերեց «հսկաների մարդասպաններ» հեղինակություն՝ հաղթելով Անգլիայի Գավաթի խոշոր ակումբներին[6]։ Չնայած թիմը խաղում էր Անգլիայի ֆուտբոլային համակարգի ցածր դիվիզիաներում, ռեկորդային թվով 16 անգամ հաղթել է Ֆուտբոլային լիգայի ակումբներին, ներառելով 1985-1986 թվականների խաղաշրջանում «Բիրմինգեմ Սիթի» բարձրագույն դիվիզիայի ակումբը[7]։ «Օլտրինգեմի» գլխավոր հակառակորդները «Մաքսֆիլդ Թաուն» և «Նորտվիչ Վիկտորյա» ֆուտբոլային ակումբներն են։
Օլտրինգեմը համարվում է Անգլիայի հյուսիս-արևմտյան այն քիչ քաղաքներից մեկը, որն ունի սառցե մարզադաշտ։ Օլտրինգեմի սահադաշտը կառուցվել է 1961 թվականին Օլտրինգեմի Բրոուդհիտ արվարձանում[8]։ «Օլտրինգեմ Էյսեզ» խումբը ելույթ է ունեվել այնտեղ 1961-2003 թվականներին, ինչից հետո մարզադաշտը փակվել է[9]։ 2003-2006 թվականներին Օլտրնգեմում չի եղել սառցե մարզադաշտ, բայց 2006 թվականին առաջարկվեց նոր մարզադաշտ, որը «Օլտրինգեմի սառցե գմբեթ»-ն էր, որը տեղավորում էր 2500 հանդիսատես[10]։
Անգլիացի նկարչուհի Հելեն Ալինհեմը մանկության տարիները ապրել է Օլթրինգեմում[11]։ Էլիսոն Աթլին իր գրքերից մի քանիսը գրել է Օլթինգրեմում ապրելու ընթացքում։ Այդ քաղաքում է ծնվել դերասանուհի Անժելա Կարթրայթը[12]։ The Stone Roses-ից Իան Բրաունը և Ջոն Սկվաիրը սովորել են քաղաքի միջնակարգ դպրոցում (Օլթրինգեմի քերականական դպրոց տղաների համար)[13]։ Մինչև 2000 թվականին իր մահը այստեղ է ապրել Mike + The Mechanics-ից Պոլ Յանգը[14]։
Հյուլեթ Ջոնսոնը հետագայում հայտնի որպես «Կենտերբերի Կարմիր դեկան», եղել է փոխերեց Սենթ-Մարգարետում 1904-1924 թվականները Օլթրինգեմում։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.