Օդ (գավառ)

Օդ; Aude
Դրոշ	Զինանշան
;	;
Երկիր	Ֆրանսիա
Կարգավիճակ	Գավառ
Մտնում է	Լանգեդոկ-Ռուսիլյոն
Վարչկենտրոն	Կարկասոն
Ամենաբարձր կետ	Մադրեսի նկար
Հիմնական լեզու	Ֆրանսերեն
Բնակչություն (2009)	353 980
Խտություն	58
Տարածք	6 139
Հիմնադրված է	մարտի 4, 1790 թ.
Սահմանակցում է	Արյեժ, Արևելյան Պիրենեյներ, Վերին Գարոն, Թարն և Էրո
Ժամային գոտի	CET (UTC+1)
ISO 3166-2 կոդ	FR-11
Անվանված է	Aude?
	cg11.fr/conseil-general/fonctionnement/index.html
	Օդ Վիքիպահեստում

Օդ (ֆր․` Aude), գավառ Ֆրանսիայի հարավում, անունն ստացել է գետից։ Նախկինում եղել է Լանգեդոկ գավառի մաս։ Գտնվում է Միջերկրական ծովի և Պիրենեյան լեռների միջև։
Օդը Ֆրանսիական հեղափոխության ժամանակ 1790 թվականի մարտին կազմավորված առաջին 83 գավառներից մեկն է։

Օդ գավառի կարգային թիվն է` 11։

Անվան այլ կիրառումների համար տե՛ս՝ Օդ (այլ կիրառումներ)

Արագ փաստեր ՕդAude, Երկիր ...

Փակել

Նախապատմություն

Գավառի տարածքում հայտնաբերվել են նախամարդու հետքեր՝ կացնի և գործիքների նմանվող իրերի տեսքով։ Ամենահետաքրքիր հայտնաբերությունը, սակայն, եղել է Տոտավելի մոտ Անրի դը Լյումլեի գտած գանգը^[1] Սա ևրոպայում հայտնի ամենահին գանգն է և թվագրվում է մեզնից 450 000 տարի առաջվա թվականով։ Հավանական է, որ տոտավելցի մարդն ապրել է այս ամբողջ տարածաշրջանում։

Հռոմի ժամանակաշրջան

Հռոմեացիները Դոմիցիոս Ահենոբարբոսի գլխավորությամբ մ.թ. 118 թվականին հիմնավորվեցին այստեղ։ Տեղանքն ուներ կարևոր ռազմավարական նշանակություն, քանի որ գտնվում էր Հին Հռովմի երկու՝ աքվիտանական և դոմիցիանական ճանապարհների հատման տեղում, ինչպես նաև, կարևոր էր ծովին մոտ և Օդ գետի ակունքում գտնվելը։
Համարյա երկու հարյուրամյակների ընթացքում այստեղ տիրում էր խաղաղությունը և տնտեսական վերելքը։

435 թ. երկիր ներխուժեցին վեստգոթերը, այն ժամանակ, երբ Փլավիոս Էցիոսն զբաղված էր Գալիայից ներս թափանցած ավազակ բագաուդներին ճնշելով։ 507 թ. Քլոդվիգ I-ի հաղթանակը թույլ տվեց, որ նվաճի Թուլուզը և Աքվիտանիան։ Սակայն նա չկարողացավ վերանվաճել Օդի տարածքը, որը մնացել էր վեստգոթերի ձեռքերին, շնորհիվ օստգոթերի թագավորի օգնության, ում զորքերը 508 թ. ջախջախեցին Քլոդվիգի որդուն։