Քեյթ Բոսուորթ

Քեթրին Էնն «Քեյթ» Բոսուորթ (անգլ.՝ Catherine Ann "Kate" Bosworth, հունվարի 2, 1983(1983-01-02)^[1], Լոս Անջելես, Կալիֆոռնիա, ԱՄՆ^[2]), ամերիկացի դերասանուհի և ֆոտոմոդել։

Քեյթ Բոսուորթ
Ծնվել է	հունվարի 2, 1983(1983-01-02)[1] (41 տարեկան)
Ծննդավայր	Լոս Անջելես, Կալիֆոռնիա, ԱՄՆ[2]
Կրթություն	Cohasset High School?
Քաղաքացիություն	ԱՄՆ
Կրոն	բուդդայականություն
Այլ անուն(ներ)	Քեթրին Էնն «Քեյթ» Բոսուորթ Catherine Ann "Kate" Bosworth
Մասնագիտություն	դերասանուհի, կինոդերասանուհի, հեռուստատեսային դերասանուհի և մոդել
Ակտիվ շրջան	1997 - այժմ
Ընտրանի	«Սեքսի կանոններ», «Ռազմիկի ուղին»
Ամուսին(ներ)	Մայքլ Փոլիշ
Համատեղ ապրող(ներ)	Օրլանդո Բլում, Ալեքսանդր Սկարսգորդ, Matt Czuchry? և Ջասթին Լոնգ

Կենսագրություն

Քեյթ Բոսուորթը ծնվել է 1983 թվականի հունվարի 2-ին Լոս Անջելեսում։ Քեյթը միակ երեխան է տնային տնտեսուհի Պատրիսիա Պոտերի և «Talbots» խանութների ցանցի ղեկավարներից մեկի՝ Հել Բոսուորթի ընտանիքում։ Քեյթն ունի բնածին սեկտորային հետերոքրոմիա՝ ձախ աչքը երկնագույն է. իսկ աջը՝ կիսով չափ շագանակագույն։

Մանկության տարիներին Քեյթը երազում էր դառնալ պրոֆեսիոնալ ձիավարուհի։ 14 տարեկան հասակում նա արժանանում է ձիավարության չեմպիոնական տիտղոսի։ Բոսուորթը ուսումնասիրել է ֆրանսերեն լեզու «Cohasset High School» դպրոցում, որտեղ նաև մասնակցել է դպրոցի ֆուտբոլային թիմում և լաքրոսի թիմում։

Բոսուորթի դերասանական կարիերան սկսվել է 1998 թվականին, Ռոբերտ Ռեդֆորդի «Ձիեր հմայողը» ֆիլմում։ Ֆիլմի պրոդյուսերները փնտրում էին դերասանուհի, ով կարողանում էր ձիավարել և նա ստանում է այդ դերը։

2008 թվականի հունվարին Քեյթ Բոսուորթը դառնում է «Calvin Klein Inc»-ի նոր դեմքը։

2010 թվականին Բոսուորթը, ոճաբանուհի Շեր Քոուլթերի հետ համագործակցությամբ, թողարկում է «JewelMint» ոսկերչական զարդերի նոր գիծ, հանդես գալով որպես նրա դիզայներ^[3]։

Անձնականի կյանք

2000 թվականի վերջին Սոսուորթը ընդունվում է Պրիստոնի համալսարան, սակայն հետագայում, ուսուցման մեջ զգալի ընդմիջումների պատճառով, հեռացվում է համալսարանից^[4]։ Նա հանդիսանում է «Appalachia Service Project» կամավորական կազմակերպության անդամ^[5]։

2002 թվականի վերջից Բոսուորթը հանդիպում էր դերասան Օռլանդո Բլումի հետ։ 2006 թվականին նրանք բաժանվում են^[6][7]։ Այնուհետև, սկսած 2006 թվականի սեպտեմբերից, դերասանուհին հանդիպում էր բրիտանացի մոդել և երաժիշտ Ջեյմս Ռուսսոյի հետ, նրանից հետո, երբ նրանք հանդիպում են Մարկ Ջեյկոբսի մոտ երեկույթից հետո^[8]։ Նրա համար Ռուսսոն գրում է «To Make You Mine» երգը^[9]։

Նաև Բոսուորթը հանդիպել է դերասան Ալեքսանդր Սկարսգորդի հետ (2009-2011 թվականներ)^[10]։

2011 թվականի հուլիսից հանդիպում է ռեժիսոր Մայքլ Պոլիշի հետ^[11]։ 2012 թվականի օգոստոսին զույգը հայտարարում է իրենց նշանադրության մասին^[12]։ 2013 թվականի օգոստոսի 31-ին զույգը ամուսնանում է Ռոկ Կրիկ ռանչոյում, Ֆիլիպսբուրգ, Մոնտանա նահանգ^[13]։

Քեյթն ասում է, որ չնայած ձիասպորտը իր հոբբին է, սակայն նա չի կարող նրանով զբաղվել, քանի որ գոյություն ունի վնասվածք ստանալու ռիսկ, որը կխանգարի նրա դերասանական կարիերային։

Ֆիլմագրություն

Թվական	Անվանում	Բնօրինակ անվանում	Դեր
1998	Ձիեր հմայողը	The Horse Whisperer	Ջուդիթ
2000	Երիտասարդ ամերիկացիներ	Young Americans	Բելա Բենքս
2000	Տիտանների հիշողությունները	Remember the Titans	Էմմա Հոյտ
2000	Նոր ժամանածները	The Newcomers	Քորթնի Դոչերտի
2002	Երկնագույն ալիք	Blue Crush	Էմմ Մարի Չեդվիկ
2002	Սեքսի կանոնները	The Rules of Attraction	Կելլի
2003	Վոնդերլենդ	Wonderland	Դաուն Շիլլեր
2003	Առավելագույն սիրտ	Advantage Hart	Տրինիթի Մոնտաժ
2004	Ժամադրություն աստղի հետ	Win a Date with Tad Hamilton!	Ռոզալի Ֆաթչ
2004	Ծովի մոտ	Beyond the Sea	Սանդրա Դի
2005	Բառախաղ	Bee Season	Չալի
2006	Սուպերմենի վերադարձը	Superman Returns	Լոիս Լեյն
2006	Սուպերմենի վերադարձը (համակարգչային խաղ)	Superman Returns	Լոիս Լեյն
2007	Աղջիկն այգում	The Girl In The Park	Լուիզա
2008	Քսանմեկ	21	Ջիլ
2010	Մահացու անկողին	Death Bed Subtext	դուստր
2010	CR: Superman Returns (համակարգչային խաղ)	CR: Superman Returns	Լոիս Լեյն
2010	Հիմարները	Idiots	Մեգի
2010	Ռազմիկի ուղին	The Warrior's Way	Լինն
2011	Բարի գիշեր, Լունա	Little Birds	Բոնի Միլլեր
2011	Ազգականներ	Another Happy Day	Էլիս
2011	Լավագույն ընկերներ և երեխա	L!fe Happens	Դինա
2011	Ծղոտե շներ	Straw Dogs	Էմի Սամներ
2012	Մահվան կղզի	Black Rock	Սառա
2012	Երբ մենք այստեղ էինք	And While We Were Here	Ջեյն
2013	Բիգ Սյուր	Big Sur	Բիլլի
2013	Վերջին արգելք	Homefront	Կեսի Բոդին Կլում
2013	Ֆիլմ 43	Movie 43	Առլին
2014	Դեռևս Էլիս	Still Alice	Աննա Հաուլենդ Ջոնս
2014	Ամնեզիայով տառապողը	Amnesiac	կին
2015-2016	Առավել քան արվեստ	The Art of More	Ռոքսանա Ուիթմեն
2015	Մինչ արթնանալը	Before I Wake	Ջեսսի
2015	90 րոպե երկնքում	90 Minutes in Heaven	Եվա պայպեր
2015	Կյանքի շեմին	Life on the Line	Բեյլի
2015	Արագություն։ Ավտոբուս 657	Heist	Սիդնի

Ճանաչում և մրցանակներ

• 2005 թվականին 38-րդ տեղն է զբաղեցնում «Maxim» ամսագրի «2005 թվականի թեժ 100-յակ» (անգլ.՝ «Hot 100 of 2005») ցուցակում և 60-րդ տեղը «FHM» ամսագրի «2005 թվականի Աշխարհի 100 սեքսույալ կանայք» («100 Sexiest Women in the World 2005») ցուցակում։
• 2006 թվականին 8-րդ տեղն է զբաղեցնում «Maxim» ամսագրի «2006 թվականի թեժ 100-յակ» (անգլ.՝ «Hot 100 of 2006») ցուցակում և 69-րդ տեղը «FHM» ամսագրի «2006 թվականի Աշխարհի 100 սեքսուալ կանայք» («100 Sexiest Women in the World 2006») ցուցակում։
• 2008 թվականին 76-րդ տեղն է զբաղեցնում «Maxim» ամսագրի «2008 թվականի թեժ 100-յակ» (անգլ.՝ «Hot 100 of 2008») ցուցակում։

Ծանոթագրություններ

1. filmportal.de — 2005.
2. Deutsche Nationalbibliothek Record #137014007 // Gemeinsame Normdatei (գերմ.) — 2012—2016.
3. Линия украшений Кейт Босуорт(չաշխատող հղում)
4. Coogan, Anna (2008 թ․ հուլիսի 24). «On the cover: Kate Bosworth». Herald. Արխիվացված օրիգինալից 2012 թ․ ապրիլի 5-ին. Վերցված է 2008 թ․ հուլիսի 29-ին.
5. «Kate Bosworth Biography». Celebrity Elle. Արխիվացված է օրիգինալից 2011 թ․ հուլիսի 15-ին. Վերցված է 2008 թ․ հուլիսի 29-ին.
6. «Love At First Sight For Bloom». ContactMusic. Արխիվացված օրիգինալից 2012 թ․ ապրիլի 5-ին. Վերցված է 2006 թ․ հուլիսի 6-ին.
7. «Orlando Bloom, Kate Bosworth Split Up». People. 2005 թ․ հունվարի 31. Արխիվացված օրիգինալից 2012 թ․ ապրիլի 5-ին. Վերցված է 2008 թ․ հուլիսի 29-ին.
8. «Kate Bosworh Profile». E! Online. Արխիվացված օրիգինալից 2012 թ․ հունիսի 9-ին. Վերցված է 2008 թ․ հուլիսի 29-ին.
9. «Musicians: James Rousseau». BBC. 2008 թ․ հունվարի 17. Արխիվացված օրիգինալից 2012 թ․ ապրիլի 5-ին. Վերցված է 2008 թ․ հուլիսի 29-ին.
10. «Alexander Skarsgard and Kate Bosworth Split : People.com». Արխիվացված է օրիգինալից 2011 թ․ դեկտեմբերի 9-ին. Վերցված է 2016 թ․ մարտի 21-ին.
11. «Кейт Босуорт и Майкл Полиш: простые семейные радости». Արխիվացված է օրիգինալից 2012 թ․ մայիսի 19-ին. Վերցված է 2016 թ․ մարտի 21-ին.
12. «Kate Bosworth, Michael Polish Engaged!» (անգլերեն). UsWeekly Online. 2012 թ․ օգոստոսի 8. Արխիվացված օրիգինալից 2012 թ․ նոյեմբերի 21-ին. Վերցված է 2012 թ․ հոկտեմբերի 9-ին.
13. «Kate Bosworth: Married to Michael Polish!».

Արտաքին հղումներ

• Քեյթ Բոսուորթը Թվիթթերում
• Քեյթ Բոսուորթը Ինստագրամում

Վիքիպահեստն ունի նյութեր, որոնք վերաբերում են «Քեյթ Բոսուորթ» հոդվածին։