![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/99/Elektromote1882.jpg/640px-Elektromote1882.jpg&w=640&q=50)
Տրոլեյբուս
From Wikipedia, the free encyclopedia
Տրոլեյբուս (անգլ.՝ trolleybus, trolley – կոնտակտային հաղորդալար, հոլովակային հոսանընդունիչ և bus – «ավտոբուս»), քաղաքային անռելս էլեկտրական տրանսպորտի միջոց։ Տրոլեյբուսը էներգիա է ստանում 500–600 վ (սակավ 750 վ) լարման հաստատուն հոսանքի ցանցից՝ կոնտակտային հաղորդալարի միջոցով։
![Thumb image](http://upload.wikimedia.org/wikipedia/commons/thumb/9/99/Elektromote1882.jpg/320px-Elektromote1882.jpg)
![Thumb image](http://upload.wikimedia.org/wikipedia/commons/thumb/7/71/Teplice%2C_%C5%A0koda_14TrM.jpg/640px-Teplice%2C_%C5%A0koda_14TrM.jpg)
![Thumb image](http://upload.wikimedia.org/wikipedia/commons/thumb/d/d2/Ikarus_280T_Trolleybus_R01.jpg/640px-Ikarus_280T_Trolleybus_R01.jpg)
Ժամանակակից տրոլեյբուսը զարգացնում է 65–70 կմ/ժ արագություն։ Այն ունի մի շարք առավելություններ տրամվայի (ռելսուղիների բացակայություն, թեթև և անաղմուկ ընթացք, վազանց կատարելու հնարավորություն) և ավտոբուսի (էլեկտրական քարշ, մթնոլորտն աղտոտող գազերի բացակայություն) նկատմամբ, սակայն մանևրայնությամբ զիջում է ավտոբուսին։
Տրոլեյբուսի ստեղծման և կիրառման աշխատանքներն սկսվել են դեռևս 19-րդ դարի 80–ական թվականներին՝ Գերմանիայում։
Երևանում տրոլեյբուսի երթևեկությունն սկսվել է 1949 թվականին[1]։ 1962 թվականից տրոլեյբուսներ են շահագործվում նաև Գյումրիում։ 1986 թվականին Երևանի տրոլեյբուսի ցանցի երկարությունը եղել է 256 կմ, երթուղիների թիվը՝ 25։ Ավտոբուսի համեմատությամբ տրոլեյբուսի մեծ տարողության շնորհիվ վերջինիս շահագործումն առավել արդյունավետ է լարված ուղևորահոսքեր ունեցող գծերում։