Տետովո

Տետովո (մակեդոներեն՝ Тетово, ալբ․՝ Tetova), քաղաք Հյուսիսային Մակեդոնիայի Հանրապետության հյուսիս-արևմուտքում։ Հանդիսանում է համանուն համայնքի վարչական կենտրոնը։ Քաղաքը հիմնադրվել է Շար լեռնազանգվածի ստորոտին՝ Պոլոգ պատմաաշխարհագրական տարածաշրջանում։ Քաղաքի միջով է հոսում Պենա գետը։ Տետովոն տեղակայված է ծովի մակարդակից 300 մ բարձրության վրա։

Քաղաք
Տետովո
մակեդոներեն՝ Тетово ալբ․՝ Tetova
Դրոշ Զինանշան
Երկիր	Հյուսիսային Մակեդոնիա
Շրջան	Պոլոգի շրջան
Համայնք	Տետովոյի համայնք
Առաջին հիշատակում	XIV դար
Այլ անվանումներ	Կալականդելեն
Մակերես	1,068 կմ²
ԲԾՄ	300 մ
Խոսվող լեզուներ	մակեդոներեն
Բնակչություն	52 915 մարդ (2002)
Ժամային գոտի	UTC+1, ամառը UTC+2
Հեռախոսային կոդ	+389 044
Փոստային ինդեքս	1200
Փոստային դասիչ	1200
Ավտոմոբիլային կոդ	TE
Պաշտոնական կայք	kocani.gov.mk
Տետովո (Հյուսիսային Մակեդոնիա)
Տետովո Վիքիպահեստում

Քաղաքի բնակչությունը կազմում է 52 915 մարդ՝ ըստ 2002 թվականի մարդահամարի տվյալների։ Տետովոյում գործում են երկու համալսարաններ՝ Տետովոյի պետական համալսարանն ու Հարավարևելաեվրոպական միջազգային համալսարանը։ Տետովոյի միջով է անցնում Սկոպյեից Գոստիվար ձգվող մայրուղին։

Ըստ լեգենդի՝ քաղաքն անվանակոչվել է Տետո հերոսի պատվին, ով քաղաքը մաքրել է օձերից։

Պենա գետը Տետովոյում

Պատմություն

Տետովոն հիմնադրվել է XIII դարում Սուրբ Աստվածամոր եկեղեցու շուրջը։ Այն որպես ուղղափառների ոչ մեծ գյուղ էր և կոչվում էր Խտետովո։ XIV դարի վերջին Տետովոն, ինչպես և ողջ Մակեդոնիան, գրավվեց Օսմանյան կայսրության կողմից։ XV դարում Մակեդոնիայում իսլամադավան բնակչության ավելացմանը զուգահեռ սկսեցին կառուցվել մզկիթներ, բաղնիքներ ու շուկաներ։ Տետովոն դարձավ առևտրական կարևոր կենտրոն տեղացի հողագործների ու արհեստավորների համար։ Այն ուներ նաև պաշտպանական կարևոր նշանակություն։ Թուրքական տիրապետության տարիներին քաղաքը կոչվում էր Կալկանդելեն։ XIX դարում Տետովոյի բնակչությունն սկսեց աճել շրջակա գյուղերի բնակչության հաշվին՝ հասնելով մինչև 4500։ 1912 թվականին՝ Բալկանյան առաջին պատերազմից հետո, Տետովոն անցավ Սերբիային։ Երկրորդ համաշխարհային պատերազմի ժամանակ Տետովոն ղեկավարվում էր Իտալիայի ու նրան հարող Ալբանիայի կողմից։ Մակեդոնիայի Կոմունիստական կուսակցությունը ձևավորվել է 1943 թվականի մարտի 19-ին Տետովոյում։

Բնակչություն

2002 թվականի մարդահամարի տվյալների համաձայն՝ քաղաքում բնակվում է 52 915 մարդ։ Տետովոյի բնակչությունն ունի հետևյալ էթնիկական կազմը.

Ազգություն	Թվաքանակ
Մակեդոնացիներ	18 555 (35,07 %)
Ալբանացիներ	28 897 (54,61 %)
թուրքեր	1 878 (3,55 %)
Գնչուներ	2 352 (4,44 %)
Առումիններ	13
Սերբեր	587
Բոսնիացիներ	156
Այլ	419 (1,17 %)

Հայտնի բնակիչներ

• Ահիմ Իբրաիմի — մակեդոնացի պրոֆեսիոնալ ֆուտբոլիստ

Արտաքին հղումներ

• Տետովոյի համայնքի կայքը (ալբ.), (մակեդ.)

Վիքիպահեստն ունի նյութեր, որոնք վերաբերում են «Տետովո» հոդվածին։