Տաուրտ

Տաուրտ (Վերետ) եգիպտերենից T3 wrt՝  «Մեծ»)^[1] , հին եգիպտական առասպելաբանության մեջ հղի կանանց և ծննդկանների աստվածուհին^[2]։

Տաուրտ
կանացիության և մայրության աստվածուհի
Տեսակ	հին եգիպտական աստվածություն
Դիցաբանություն	հին եգիպտական դիցաբանություն
Սեռ	իգական
Անվան մեկնաբանում	Մեծ
Հունական գրաձև	Τοέρης
Լատինական գրաձև	Taweret, Tauret, Toeris, Thoëris, Taueret, Taurt, Tueris
Վայր	Եգիպտոս
Զբաղմունք	հղի կանանց և ծննդկանների հովանավոր
Ամուսին	Սեթ
Ասպարեզ	Ծննդաբերութուն և fertility?
Ատրիբուտներ	գետաձի, փղոսկրե դաշույն
Բնորոշ գծեր	մեծ փոր, կոկորդիլոսի պոչ, սուր ատամներ
Taweret Վիքիպահեստում

Պատկերում

Տաուրտը պատկերվում էր կանգնած էգ գետաձիու տեսքով արտահայտված կանացի կրծքով, ատամները սրած, գլխին կանացի կեղծամ^[3]։ Մեծ փորով գետաձիու կերպարը հիշեցնում էր հղի կնոջ^[2]։ Աստվածուհու սապատին կա կոկորդիլոսի պոչ^[1], կամ էլ նա իր մեջքին կամ ձեռքերին տանում էր կոկորդիլոս^[3]։ Հաճախ Տաուրտը ձեռքում սեղմած է դանակ, պատրաստված փղի ոսկորից^[4] :

Տաուրտի երկու պատկե հանդիպում են XVII դինաստիայի փարավոն Սոբեկեմսաֆի գահի հիմքում^[5]։

Տաուրտին նման էր եգիպտական դաստիարակության աստվածուհի Իպատը^[1], որը նույնպես պատկերվում էր գետաձիու տեսքով, բայց առյուծի ոտքերով^[3]։

Պաշտամունք

Ի սկզբանե կատարում էր բերրիության աստվածուհու դերը։ Բացի դրանից հովանավորում էր մահացածներին Դուատում (անդրշիրիմյան աշխարհում), քշում էր չար ոգիներին տներից։

Համարվում էր արևելյան հորիզոնի պաշտպանը^[5]։

Նրա պատկերը հմայիլի տեսքով նվիրում էին հղի կանանց, կամ տանում էին տաճար հեշտ ծննդաբերություն ապահովելու համար^[2]։ Տաուրտը և Բեսը բավականին տարածված էին հռոմեկանա ժամանակաշրջանում, որպես տան պահապաններ։ Նրանց արձանիկները դրվում էին փեղկերին կամ պատի խորշերում^[4]։ Աստվածուհու պաշտամունքը շարունակվեց մինչև Ք.հ. V դար^[3]։

Երբեմն նրան հիշատակում են որպես Սեթ աստծո կին, որի կերպարանքներից մեկը նույնպես գետաձի էր։

• 
  Հմայի Տաուրտի տեսքով
• 
  Տաուրտի կավե արձանիկ գտնված բուրգի պատի հիմքում։
• 
  Տաուրտի փայտյա պատկերը թագուհու դեմքով։
• 
  Հախճապակյա անոթ Տաուրտի տեսքով (Ք.ա. IV դար)։

Տես նաև

• Իսիդա

Ծանոթագրություններ

1. Stephen Quirke Exploring Religion in Ancient Egypt. — John Wiley & Sons, 2014. — С. 54, 64. — 279 с. — ISBN 9781118610527
2. James P. Allen, David T. Mininberg, Metropolitan Museum of Art (New York N.Y.) The Art of Medicine in Ancient Egypt. — Metropolitan Museum of Art, 2005. — С. 32. — 117 с. — ISBN 9781588391704
3. Patricia Monaghan Encyclopedia of Goddesses and Heroines. — ABC-CLIO, 2009. — С. 31, 36. — 725 с. — ISBN 9780313349904
4. David Frankfurter Religion in Roman Egypt: Assimilation and Resistance. — Princeton University Press, 1998. — С. 121, 131. — 336 с. — ISBN 0691070547
5. Sarah Melville, Alice Slotsky Opening the Tablet Box: Near Eastern Studies in Honor of Benjamin R. Foster. — BRILL, 2010. — С. 252. — 513 с. — ISBN 9004186522

Վիքիպահեստն ունի նյութեր, որոնք վերաբերում են «Տաուրտ» հոդվածին։