From Wikipedia, the free encyclopedia
Տանկը կամ Հրասայլը, «Զրահասայլը» զրահապատ թրթուրավոր ռազմական մեքենա է, որի հիմնական զենքը սովորաբար հրանոթն է։
Տանկաշինության սկզբնական ժամանակաշրջաններում տանկերը շատ դեպքերում արտադրվում էին միայն գնդացրային զենքով, իսկ Երկրորդ Համաշխարհային պատերազմից հետո փորձեր էին արվում ստեղծելու հրթիռային հիմնական զենքով զինված տանկեր։ Հայտնի են տանկերի տեսակներ, որոնք ունեցել են հրանետ։
Տանկը ճշգրիտ բնորոշում չունի, քանի որ զանազան բանակներում տարբեր ժամանակաշրջաններում տանկերի դերն ու կիրառման եղանակները փոփոխվել են[1]։ Առաջին համաշխարհային պատերազմի տարիների տանկերն առաջին հայացքից կարող են անճանաչելի թվալ (ինչպես, օրինակ, Սեն Շամոն տանկը), քանի որ չափազանց քիչ են նմանվում ժամանակակից տանկերին։ Մի շարո շվեդ փորձագետներ Strv-103 մեքենան որակում են որպես տանկեր ոչնչացնող, այլ ոչ թե տանկ[2][3]։ Որոշ մեքենաներ (օրինակ՝ 94 տիպը), որոնք ռուսաստանյան գրականության մեջ անվանվում են «փոքր տանկեր», արևմտյան գրականությունում անվանվում են տանկետկաներ։ Դրանք սկզբնապես նախատեսված էին հետևակին աջակցելու համար, սակայն թույլ զինվածության և զրահի բարակության պատճառով հարմար չհամարվեցին այդ նպատակով գործածվելուն և ներկայումս կիրառվում են զուտ հետախուզության և ռազմական օբյեկտների պահպանության նպատակներով[4] :
ժամանակակից բանակների զինանոցում այժմ համարյա թե կա միայն մեկ տեսակի տանկ՝ այսպես կոչված հիմնական մարտական տանկը։ Այսպիսի տանկի դերը երկակի է՝ վարել ինքնուրույն մարտական գործողություններ հակառակորդի տանկային ուժերի դեմ և սատարել ռազմական մյուս ենթաուժերին իրենց մարտական խնդիրներում այսպես կոչված «միավորված ուժեր» (combined arms) տակտիկայով։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
