Տնտեսական համագործակցության և զարգացման կազմակերպություն

Տնտեսական համագործակցության և զարգացման կազմակերպություն (ֆր.՝ Organisation de coopération et de développement économiques, անգլ.՝ Organisation for Economic Cooperation and Development, OECD), սոցիալ-տնտեսական համագործակցությունը խթանելու նպատակով հիմնված կազմակերպություն է, որի անդամ է 38 պետություն։ Անդամ պետոությունները փորձում են համատեղ լուծում տալ տարբեր սոցիալ-տնտեսական խնդիրների և իրենց արտաքին քաղաքականությունը համապատասխանեցնել այդ գործընթացներին։

Տնտեսական համագործակցության և զարգացման կազմակերպություն
Տեսակ	Միջազգային կազմակերպություն, միջկառավարական կազմակերպություն, կազմակերպություն և պետական մարմին
Երկիր	Ֆրանսիա
Հապավում	OECD[1] և OCDE[1]
Կարգախոս	Better policies for better lives, De meilleures politiques pour de meilleures vies, Lepší politiky pro lepší životy և Mejores políticas para una vida mejor
Հիմնադրված	ապրիլի 16, 1948 և սեպտեմբերի 30, 2010
Գլխադասային գրասենյակ	Փարիզ, Իլ դը Ֆրանս, Ֆրանսիա[2]
Պաշտ. լեզու(ներ)	անգլերեն և ֆրանսերեն
Կամավորներ	38 երկիր
Կայք	oecd.org​(անգլ.)​(ֆր.)

Հիմնվել է 1947 թ. որպես մի շարք եվրոպական պետությունների համագործակցության հարթակ և այն ժամանակ կոչվում էր «Տնտեսական համագործակցության եվրոպական կազմակերպություն» (ՏՀԵԿ)։ Այս հարթակնի հիմնական նպատակն էր Երկրորդ աշխարհամարտից հետո Եվրոպայի վերակառուցումը՝ Մարշալ ծրագրի իրականացմամբ։ 1961 թ. այն վերակազմավորվեց և դարձավ ներկայիս ՏՀԶԿ-ն, որի անդամ կարող էին դառնալ նաև ոչ եվրոպական երկրներ։ 2006 թ. հունիսի 1-ից կազմակերպության գլխավոր քարտուղարն է մեքսիկացի Խոսե Անխել Գուրիան։ Նրանից առաջ, 1996 թվականից, գլխավոր քարտուղար էր Դոնալդ Ջոնսթոնը։

Կազմակերպությունը հայտնի է նաև իր հրապարակած վիճակագրական տվյալներով և ցանկերով, ինչպես օրինակ՝ Better Live Index-ը։

Անդամ պետություններ

Հիմնադիր անդամներ (1961)։
Բելգիա  Կանադա  Դանիա  Գերմանիա  Ֆրանսիա  Հունաստան  Իռլանդիա  Իտալիա  Լյուքսեմբուրգ  Նիդերլանդներ	Նորվեգիա  Ավստրիա  Պորտուգալիա  Իսպանիա  Թուրքիա  Մեծ Բրիտանիա  ԱՄՆ  Իսլանդիա  Շվեդիա  Շվեյցարիա
Հետագայում անդամ դարձած (այբբենական ցանկ, փակագծերում անդամության տարին)։
Ավստրալիա (1971)  Չիլի (2010)  Էստոնիա (2010)  Ֆինլանդիա (1969)  Հունգարիա (1996)  Իսրայել (2010)  Ճապոնիա (1964)	Մեքսիկա (1994)  Նոր Զելանդիա (1973)  Լեհաստան (1996)  Սլովենիա (2010)  Սլովակիա (2000)  Չեխիա (1995)  Հարավային Կորեա (1996)

Ծանոթագրություններ

1. Deutsche Nationalbibliothek Record #5157-3 // Gemeinsame Normdatei (գերմ.) — 2012—2016.
2. https://www.oecd.org/contact/ / Organization for Economic Cooperation and Development

Արտաքին հղում

• կազմակերպության կայքը (անգլերեն)

Վիքիպահեստն ունի նյութեր, որոնք վերաբերում են «Տնտեսական համագործակցության և զարգացման կազմակերպություն» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 12, էջ 32)։