Վանաձոր, համայնքի կարգավիճակով վարչատարածքային միավոր Հայաստանի Հանրապետության Լոռու մարզում[1][2]։ Սահմանակցում է Լերմոնտովո և Փամբակ համայնքների հետ։
Անվան այլ կիրառումների համար տե՛ս՝ Վանաձոր (այլ կիրառումներ)
2021 թվականին «Հայաստանի Հանրապետության վարչատարածքային բաժանման մասին» օրենքում կատարված փոփոխությունների արդյունքում Վանաձոր քաղաքը, Գուգարք, Դարպաս, Շահումյան գյուղերը կազմել են Վանաձոր համայնքը[1][2]։
Վարչատարածքային բաժանում
Վանաձոր համայնքը կազմված է չորս բնակավայրից՝ Գուգարք, Դարպաս, Շահումյան գյուղերից և Վանաձոր քաղաքից, որը հանդիսանում է համայնքի վարչական կենտրոնը[1][2]։
Վանաձոր քաղաքն ունի 25.1 կմ², Գուգարք գյուղը՝ 21.58 կմ², Շահումյան գյուղը՝ 846,9 կմ², Դարպաս գյուղը՝ 19.33 կմ² տարածք[1]։
Բնակչություն
2017 թվականի դրությամբ Վանաձոր քաղաքի բնակչությունը կազմել է 90 525 մարդ։ 2011 թվականի դրությամբ Դարպասի գյուղի բնակչությունը կազմել է 1664, Գուգարք գյուղինը՝ 4278, Շահումյան գյուղինը՝ 1934 մարդ[3]։
Կառավարում
![Thumb](http://upload.wikimedia.org/wikipedia/commons/thumb/7/7c/Vanadzor_avagani_2021.svg/320px-Vanadzor_avagani_2021.svg.png)
Համաձայն ՀՀ տեղական ինքնակառավարման օրենսգրքի՝ համայնքի բնակչությունը ընտրում է ավագանի, որը նշանակում է համայնքի ղեկավարին՝ համայնքապետին։ Լոռվա մարզի Վանաձոր համայնքի ավագանին բաղկացած է 33 անդամներից, որոնցից 15-ը Մամիկոն Ասլանյան դաշինքից՝ բաղկացած Ազատ դեմոկրատներ և Իմ հզոր հայրենիք կուսակցություններից, 9-ը՝ «Քաղաքացիական պայմանագիր» կուսակցությունից, 5-ը Հայաստանի աշխատավորական սոցիալիստական կուսակցությունից և 2-ական պատգամավորներ Ապրելու երկիր և Հայրենիք կուսակցություններից։ Համայնքի ղեկավարը «Հայաստանի աշխատավորական սոցիալիստական կուսակցություն» խմբակցության ղեկավար Արկադի Փելեշյանն է։
Ծանոթագրություններ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.