![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/54/St._Peter_Island%252C_Bulgaria_1.jpg/640px-St._Peter_Island%252C_Bulgaria_1.jpg&w=640&q=50)
Սուրբ Պյոտրի կղզի
From Wikipedia, the free encyclopedia
Սուրբ Պյոտրի կղզի (բուլղար․՝ Остров Свети Петър), Բուլղարիայի Հանրապետությանը պատկանող փոքրիկ անմարդաբնակ կղզի, որը գտնվում է Սև ծովում՝ ծովի մակարդակից 9 մետր բարձրության վրա։ Զբաղեցնում է 0,025 կմ² տարածք[1]։
19-րդ դարի կեսերից պահպանված գրությունները վկայում են, որ Սուրբ Պյոտրի կղզին սկզբնական շրջանում առանձնացել է առավելի մեծ՝ Սուրբ Իվանի կղզուց (ներկայումս գտնվում է մի քանի մետր դեպի արևմուտք)՝ որևէ բնական երևույթի պատճառով։
Սուրբ Պյոտրի կղզուց դեպի արևելք կան երկու փոքրիկ կղզյակներ, որոնք հայտնի են Միլոշ և Գատա անուններով։ Նրանք նկարագրված են 1820 թվականի ռուսական ռազմական փաստաթղթերում։ Հավանաբար ներկայումս դրանք անցել են ջրի տակ։ Հնագետները կղզու տարածքում հայտնաբերել են Բուլղարիայի ազգային վերածննդի ժամանակահատվածում կառուցված մատուռի ավերակներ, ինչպես նաև հնագույն կահույք։
Ներկայումս Սուրբ Պյոտրի կղզին բնության արգելոցի մաս է կազմում։ Այստեղ տարածված են ավելի քան 70 տեսակի թռչնատեսակներ, որոնց մեծ մասը գրանցված է Բուլղարիայի կարմիր գրքում։ Սուրբ Պետրոսի կղզում կա նաև արծաթափայլ որորի խոշոր գաղութ։ Այդ իսկ պապտճառով հաճախ այն անվանվում է Թռչնի կղզի։