From Wikipedia, the free encyclopedia
Սիքստոս IV (լատին․՝ Sixtus PP. IV; աշխարհիկ կյանքում՝ Ֆրանչեսկո դելլա Ռովերե, իտալ.՝ Francesco della Rovere, հուլիսի 21, 1414[1], Չելե Լիգուրե, Սավոնա, Լիգուրիա, Իտալիա - օգոստոսի 12, 1484[1], Հռոմ, Պապական մարզ), 1471 թվականի օգոստոսի 9-ից մինչև 1484 թվականի օգոստոսի 12-ը եղել է Հռոմի պապ։
| Սիքստոս IV լատին․՝ Sixtus PP. IV | |
 | |
| Կրթություն | Պավիայի համալսարան |
|---|---|
| Մասնագիտություն | կաթոլիկ քահանա |
| Ծննդյան անուն | իտալ.՝ Francesco della Rovere |
| Ծնունդ | հուլիսի 21, 1414[1] Չելե Լիգուրե, Սավոնա, Լիգուրիա, Իտալիա |
| Մահ | օգոստոսի 12, 1484[1] (70 տարեկան) Հռոմ, Պապական մարզ |
| Թաղված է | Vatican Grotto |
| Դինաստիա՝ | House of della Rovere |
| Հայր | Leonardo Beltramo di Savona della Rovere? |
| Մայր | Lucchina Monleone?[2] |
 | | |
Ֆրանչեսկո դելլա Ռովերեն ծնվել է 1414 թվականի հուլիսի 21-ին Սավոնայում (Ջենովայի) մոտ և եղել է աղքատացած ազնվականի ընտանիքից, Լեոնարդո դելլա Ռովերեի և Լուկինա Մոնլեոնեյի որդին[3]։ Ընդունվել է ֆրանցիսկյան միաբանություն, որը նրան ուղարկել է ուսումնասիրելու իրավագիտության Պադովայում և Բոլոնյայպում[4]։ 1464 թվականին ընտրվել է միաբանության գեներալ, իսկ երեք տարի հետո կարդինալ։ 1467 թվականին նշանակվել է տիտղոսային Սան-Պիետրո-ին-վինկիլո եկեղեցու կարդինալ պապ Պողոս II-ի կողմից։ Եղել է եկեղեցական իրավունքի վերաբերյալ մի քանի տրակտատների հեղինակ։ Պապական տիարա է ստացել կաշառքի միջոցով[5]։
Պապ ընտրվելուց հետո դելլա Ռովերեն ընդունել է Սիքստոս անունը, որը չի օգտագործվել V դարից։ Իր առաջին գործողություններից էր թուրք-օսմանների դեմ նոր խաչակրաց արշավանքի հայտարարումը։ Սակայն Զմյուռնիայի գրավումից հետո նավատորմը ամբողջովին կազմալուծվել է[6]։ Սիքստոսը նաև ձեռնարկել է հունական եկեղեցուն միանալու անհաջող փորձեր։
Դառնալով Հռոմի պապ՝ նա միշտ վարվում էր ըստ սեփական ընտանիքի հետաքրքրությունների։ Նրա զարմիկ կարդինալ Պյետրո Ռիրիոն դարձել է Հռոմի ամենահարուստ մարդկանցից մեկը և փաստորեն վարել է պապ Սիքստոսի արտաքին քաղաքականությունը։ 1474 թվականին Պյետրոն մահացել է երիտասարդ տարիքում, նրա դերն անցել է Ջուլիանո դելլա Ռովերային։
Դելլա Ռովերեյի իդեալը եղել է պապականությունից (իտալիայի մյուս իշխանությունների օրինակով) աշխարհիկ միապետության ստեղծումը, որը կկառավարվեր կարդինալների կողմից, որոնք պապի հետ կունենային բարեկամական կապեր։
Չնայած անվիճելի է, որ Վերածննդի դարաշրջանի մշակույթի զարգացման գործում մեծ ներդրում է ունեցել Սիքստոս IV-ի պոնտիֆիկատը, որը մեծապես նպաստել էր պապական կուրիայի հաշտությանը, նա հիմնականում քննադատվել է եկեղեցական շատ գրողների և պատմիչների կողմից։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
