Սինան Օղան (թուրք․ Sinan Oğan, 1967 թ․ սեպտեմբերի 1, Իգդիր), ադրբեջանական ծագումով թուրք քաղաքական գործիչ։ 2011-2017 թթ․-ին Ազգայնական շարժում կուսակցությունից (ԱՇԿ) եղել է Թուրքիայի Ազգային մեծ ժողովի պատգամավոր։ Թուրքիայի 2023 թ․ նախագահական ընտրություններում մասնակցել է որպես ATA դաշինքի թեկնածու։
| Սինան Օղան թուրքերեն՝ Sinan Oğan | |
|---|---|
.jpg) | |
| Ծնվել է | 1967 թ․ սեպտեմբերի 1 |
| Ծննդավայր | Իգդիր, Թուրքիա |
| Քաղաքացիություն | Թուրքիա |
| Ազգություն | Թուրք, ադրբեջանցի |
| Մայրենի լեզու | Թուրքերեն |
| Կրոն | Իսլամ |
| Կրթություն | Մարմարայի համալսարան, Մոսկվայի միջազգային հարաբերությունների պետական ինստիտուտ |
| Մասնագիտություն | քաղաքական գործիչ |
| Աշխատավայր | Ադրբեջանի պետական տնտեսագիտական համալսարան |
| Ամուսին | Գյոկչեն Օղան |
| Զբաղեցրած պաշտոններ | Թուրքիայի Մեծ Ազգային Ասամբլեայի անդամ |
| Կուսակցություն | Ազգայնական շարժում կուսակցություն (2011-2017) |
| Պարգևներ և մրցանակներ |  |
| Երեխաներ | Գյոկթուրք, Զեյնեպ |
| Կայք | sinanogan.com |
 Sinan Oğan Վիքիպահեստում | |
Կենսագրությունը
Սինան Օղանը ծնվել է 1967 թ․ սեպտեմբերի 1-ին Իգդիրում։ 1989 թ․-ին ավարտել է Մարմարայի համալսարանը։ 1993-2000 թթ․-ին եղել է Ադրբեջանի պետական տնտեսագիտական համալսարանի դեկանի տեղակալ։ 1994-1998 թթ․-ին եղել է Համագործակցության և համակարգման հարցերով թուրքական գործակալության ներկայացուցիչը։
2000 թ․-ին վերադարձել է Թուրքիա, աշխատել Եվրասիական ռազմավարական հետազոտությունների կենտրոնում և մասնագիտացել է Կովկասի հարցերով։ 2004 թ․-ին ստեղծել և ղեկավարել է Միջազգային հարաբերությունների և ռազմավարական վերլուծության TÜRKSAM կենտրոնը։
2015 թ․-ին հեռացվել է Ազգայնական շարժում կուսակցությունից։ Դատարանում բողոքարկել է այդ որոշումը և նույն տարվա նոյեմբերին վերականգնել անդամությունը, սակայն 2017 թ․-ին նորից հեռացվել է կուսակցության շարքերից։ Օղանը, ինչպես նախորդ անգամ, փորձել է դատարանում բողոքարկել այդ որոշումը, սակայն այս անգամ հայցը մերժվել է։ Նրա հեռացման պատճառը կուսակցության քաղաքականության վերաբերյալ քննադատական հայտարարություններն են եղել։ Այնուամենայնիվ, իրական պատճառ կարող էր լինել նաև կուսակցությունում առաջատարի դերը ստանձնելու նրա հավակնությունը, որը երկար տարիներ գլխավորում է Դևլեթ Բահչելին։
2009 թ.-ին Մոսկվայի միջազգային հարաբերությունների պետական ինստիտուտում քաղաքական գիտությունների թեկնածուի աստիճան է ստացել[1]։
Մի քանի գրքի և մոտ 500 հոդվածի հեղինակ է։
Մասնակցությունը 2023 թ․ նախագահական ընտրություններին
| Տարեթիվ | Ձայներ | % | Տեղ | Քարտեզ |
|---|---|---|---|---|
| 2023 | 2,831,208 | 5,17 | 3-րդ |
Անձնական կյանքը
Սինան Օղանը ամուսնացած է, 2 զավակ ունի։ Խոսում է անգլերեն և ռուսերեն[2]։
Ծանոթագրություններ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
