«Crypto.com Arena» (նախկինում հայտնի որպես «Staples Center»), բազմաֆունկցիոնալ մարզահամերգային համալիր, որը տեղակայված է ԱՄՆ Կալիֆորնիա նահանգի Լոս Անջելես քաղաքում։ Բացվել է 1999 թվականին։ Գտնվում է «Los Angeles Convention Center»-ի մոտ։ Տարբեր սպորտային մրցումների և զանգվածային միջոցառումների անցկացման վայր է։
 | |
|---|---|
 | |
| Տեսակ | տափօղակով հոկեյի արենա և մարզասրահ |
| Մարզաձև | տափօղակով հոկեյ և բասկետբոլ |
| Ամբողջական անվանում | Crypto.com Arena |
| Տեղագրություն | Լոս Անջելես |
| Երկիր |  ԱՄՆ |
| Հիմնադրված | 1998 թ. |
| Անվանված է | Crypto.com? |
| Բացված | 1999 թ. հունիս |
| Կառուցող | PCL Construction |
| Կառուցման գին | $ 375 միլիոն USD |
| Ճարտարապետ | NBBJ |
| Սեփականատեր | Anschutz Entertainment Group |
| Գործաղեկավար | Anschutz Entertainment Group |
| Տարողություն | բասկետբոլ՝ 19 060 (Կլիպերսի խաղեր) 18 997 (լեյքերսի խաղեր) հոկեյ՝ 18 118 արենա ֆուտբոլ՝ 16 096 համերգ՝ 20 000 բռնցքամարտ/ռեստլինգ՝ 21 000 |
| Տնային թիմ | Լոս Անջելես Կլիպերս (NBA) (1999-ներկա) Լոս Անջելես Լեյքերս (NBA) (1999-ներկա) Լոս Անջելես Քինգս (NHL) (1999-ներկա) Լոս Անջելես Սփարքս (WNBA) (2001-ներկա) Լոս Անջելես Ավենջերս (AFL) (2000-2008) Լոս Անջելես Դի-Ֆենդերս (Դի-Լիգա) (2006-2010) |
| Կայք | cryptoarena.com(անգլ.) |
 | |
| |
 Crypto.com Arena Վիքիպահեստում | |
Հանդիսանում է «Լոս Անջելես Քինգս», «Լոս Անջելես Կլիպերս», «Լոս Անջելես Լեյքերս», «Լոս Անջելես Սպարքս», «Լոս Անջելես Էվենջերս» սպորտային ակումբների տնային հարկը։ Մարզահամալիրը 5 պրոֆեսիոնալ սպորտային ակումբների միակ տնային հարկն է։
Պատմություն
Մարզահամալիրի շինարարությունը մեկնարկել է 1998 և ավարտվել 1999 թվականին։ Շինարարության վրա ծախսվել է $375 մլն ԱՄՆ դոլար։ Բացումը տեղի է ունեցել 1999 թվականի հոկտեմբերի 17-ին, որի ժամանակ համերգով հանդես եկան Բրյուս Սպրինգստինը և E Street Band-ը։
Յուրաքանչյուր տարի «Crypto.com Arena»-ում անցկացվում է ավելի քան 250 միջոցառում, որին մասնակցում է մոտ 4 մլն մարդ[1]։ Բացվելուց ի վեր մարզահամալիրում կազմակերպվել է Բասկետբոլի ազգային ասոցիացիայի եզրափակչի 7, Կանանց բասկետբոլի ազգային ասոցիացիայի եզրափակչի 3 խաղ, գեղասահքի ԱՄՆ առաջնությունը, Հոկեյի ազգային լիգայի բոլոր աստղերի հանդիպումը 2002 թվականին, Բասկետբոլի ազգային ասոցիացիայի բոլոր աստղերի հանդիպումը 2004 թվականին, WTA Ամփոփիչ մրցաշարը 2002-2005 թվականներին, Լատինական Գրեմմիի առաջին մրցանակաբաշխությունը 2000 թվականին, Գրեմմի մրցանակաբաշխությունը՝ 2000 թվականից (բացառությամբ 2003 թվականը), 2009 թվականի Գեղասահքի աշխարհի առաջնությունը, Էքստրեմալ խաղերի աշխարհի առաջնությունը 2003 թվականից, բազմաթիվ համերգներ և բոքսի առաջնություններ։ «Ռեսլմանիա 21»-ի ժամանակ գրանցվեց հանդիսատեսի ռեկորդային քանակ՝ 20 193։ Այս ռեկորդը գերազանցվեց կիսամիջին քաշայիններ Մոսլի Շեյնի և Անտոնիո Մարգարիտոյի հանդիպման ժամանակ, որին ներկա էր 20 820 հանդիսական[2]։
2009 թվականի հուլիսի 7-ին համալիրում անցկացվեց Մայքլ Ջեքսոնի հիշատակի հանրային արարողությունը։
2013 թվականի հոկտեմբերին «Սթեյփլս Սենթր»-ում տեղի ունեցավ «League of Legends» համակարգչային խաղի համաշխարհային կիբերսպորտային առաջնությունը[3]։
Կառուցվածք
«Crypto.com Arena»-ն զբաղեցնում է 88 257,9 մ² տարածք։ Մարզահամալիրի չափը՝ 28,7 մ x 61,0 մ։ Բարձրությունը՝ 45,7 մ[4]։ Տարողունակությունը՝ 20 000 հանդիսատես՝ համերգների ժամանակ, 19 067 հանդիսական բասկետբոլային խաղերի, 18 118 հանդիսական՝ հոկեյի և ֆուտբոլային հանդիպումների ժամանակ[1][5]։
Ծանոթագրություններ
Արտաքին հղումներ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
