From Wikipedia, the free encyclopedia
Սեն Կլոդ (Saint-Claude. ֆրանսերեն արտասանութամբ՝ ( )</img> sɛ̃ klod), համայնք և քաղաք Ֆրանսիայի արևելքում՝ Բիեն գետի ափին, Բուրգունդիա-Ֆրանշ-Կոնտե երկրամասի Ժուրա դեպարտամենտում, որի կազմի մեջ մտնող Սեն Կլոդ շրջանի սուպրեֆեկտուրան՝ վարչական կենտրոնն է[5]։
Բնակավայր | |||||
---|---|---|---|---|---|
Սեն Կլոդ | |||||
ֆր.՝ Saint-Claude[1] ֆր.՝ Condat-Montagne[2] | |||||
| |||||
![]() | |||||
Երկիր | ![]() | ||||
Համայնք | Յուրա և Սեն Կլոդ (շրջան) | ||||
Հիմնադրված է | հունվարի 1, 1974 թ. | ||||
Մակերես | 70,19 կմ² | ||||
ԲԾՄ | 360 մետր | ||||
Բնակչություն | ▼8727 մարդ (հունվարի 1, 2021)[3] | ||||
Ժամային գոտի | UTC+1 և UTC+2 | ||||
Փոստային դասիչ | 39200[4] | ||||
Պաշտոնական կայք | saint-claude.fr(ֆր.) | ||||
| |||||
Քաղաքն սկզբնապես կոչվել է Սեն Օյանդ ՝ Սուրբ Եվգենդուսի անունով։ Սակայն երբ սուրբ Կլավդիոսը 690 թվականին հրաժարական տվեց Բեզանսոնի իր թեմից և դրանից վեց տարի անց վախճանվեց, նրա գերեզմանին այցի եկող ուխտավորների թիվն այնքան մեծ էր, որ 13-րդ դարից սկսած՝ բնակավայրի Սեն Կլոդ/Սուրբ. Կլոդ անվանումն ավելի ու ավելի գործածական դարձավ և ժամանակի ընթացքում աստիճանաբար փոխարինեց սկզբնական անվանը[6]։ Բնակավայրը 19-րդ դարի կեսերից մինչև 20-րդ դարի կեսերը ձեռքով պատրաստված փայտե ծխամորճների համաշխարհային մայրաքաղաքն էր։
Երկրորդ համաշխարհային պատերազմի ժամանակ քաղաքը հայտնվել է գերմանական տիրապետության տակ, սակայն դեռ երկար ժամանակ մնացել է Շվեյցարիա փախչող հրեաների ապաստարան՝ այդ երկրի սահմանին մոտ գտնվելու պատճառով (սահմանն անցնում էր քաղաքից 5 մղոն հեռավորության վրա)։ Փախուստի դիմող հրեաներին հետևողականորեն աջակցող և ապաստան տվող տեղաբնակներին պատժելու նպատակով նացիստները քաղաքի կենտրոնում մահապատժի են ենթարկել զորակոչային տարիքի բոլոր տղամարդկանց։ Այդ իրադարձությունը հավերժացնող հուշատախտակ է տեղադրված քաղաքի հրապարակում։
Այսօր քաղաքի շրջակայքում մի շարք ֆերմաներ և ագարակներ կան, որոնք հանրահայտ բրենդային գյուղմթերք են արտադրում (Comte պանիր, տավարի միս Charolaise, թռչնամիս Bresse Gauloise):
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Աղբյուր՝ EHESS[7] and INSEE (1968-2017)[8] |
Սեն Կլոդն ունի երկաթուղային կայարան։
Սեն Կլոդը ռեգբիի ակումբ ունի։
2017 թվականին Տուր դը Ֆրանսն անցել է Սեն Կլոդով։
Անտառներին և լեռնադահուկային հանգստավայրերին քաղաքի մոտ լինելը այն դարձնում է գրավիչ վայր դահուկային և հետիոտն արշավների, լեռնային հեծանվավազքի, քեմփինգի սիրահարների, դահուկորդների, սնոուբորդիստների համար։ Ձկնորսություն և թիավարություն սիրողներին էլ հրապուրում են բնակավայրի մերձակայքում գտնվող բազմաթիվ լճերն ու լճակները։
Այստեղ է գտնվում Սեն Կլոդ տաճարը, որը նախկինում եղել է Սեն Կլոդի թեմի եպիսկոպոսների նստավայրը։
Քաղաքի տեսարժան վայրերից մեկն էլ աշխարհի ամենամեծ ծխամորճն է (7,5 մետր երկարությամբ, 8,7 մետր բարձրությամբ, 600 կգ քաշով)՝ որպես ծխամորճների արտադրության համաշխարհային մայրաքաղաքի միջազգային հեղինակության վկայություն ու ապացույց:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.