Ռուանի տաճար

Ռուանի տաճար (ֆր.՝ Cathédrale Notre-Dame de Rouen), կաթոլիկ տաճար Ռուան քաղաքում։ Ռուանի և Նորմանդիայի արքեպիսկոպոսության մայր տաճարն է։ Ֆրանսիայի ազգային ժառանգության հուշարձան է^[3]։ 1876-1880 թվականներին եղել է աշխարհի ամենաբարձր կառույցը (151 մ)` այդ տիտղոսը հետագայում զիջելով Քյոլնի տաճարին։

Անվան այլ կիրառումների համար տե՛ս՝ Ռուանի տաճար (այլ կիրառումներ)

Ռուանի տաճար ֆր.՝ Cathédrale Notre-Dame de Rouen
Հիմնական տվյալներ
Տեսակ	կաթոլիկ տաճար
Երկիր	Ֆրանսիա
Տեղագրություն	Ռուան[1][2]
Դավանանք	կաթոլիկություն
Թեմ	Ռուանի թեմ
Հիմնական ամսաթվերը	1030
Մասն է	Archepiscopal Complex of Rouen?
Կազմված է	Q3328630?
Ժառանգության կարգավիճակ	դասակարգված պատմական հուշարձան[1], դասակարգված պատմական հուշարձան[1], դասակարգված պատմական հուշարձան[1] և դասակարգված պատմական հուշարձան[1]
Նվիրված	Մարիամ Աստվածածին
Անվանված	Աստվածածնի վերափոխման տոն և Մարիամ Աստվածածին
Ճարտարապետական ոճ	Գոթական ճարտարապետություն
Կառուցման սկիզբ	1145
Կառուցման ավարտ	1506
Հիմնադրված	1030
Երկարություն	144 մետր
Բարձրություն	151 մետր
Cathédrale Notre-Dame de Rouen Վիքիպահեստում
cathedrale-rouen.net

Պատմություն

Ռուանի եպիսկոպոսի գոյության մասին առաջին վկայությունը վերաբերում է 314 թվականին։ 4-րդ դարի վերջին ժամանակակից տաճարի տեղում կառուցվում է բազիլիկ։ Հնագիտական պեղումները ցույց են տվել, որ Ռուանի եպիկոպոսական համալիրը բաղկացած է եղել երկու եկեղեցուց` նվիրված Աստվածամորը և սուրբ Ստեֆանին։ 841 թվականին վիկինգների արշավի ժամանակ տաճարը հրդեհվել է։ Քանի որ Ռուանի քաղաքական վիճակն անորոշ էր, տաճարը չեն վերականգնել։ 911 թվականին Ռուանը դարձավ Նորմանդիայի հերցոգության մայրաքաղաքը, և առաջին հերցոգ Ռոլոնը «Ռոբերտ» անունով է կնքվել բազիլիկում։ 1020 թվականին սկսվում են ռոմանական ոճով նոր տաճարի կառուցման աշխատանքները։ Դրանից ներկայումս պահպանվել է միայն կրիպտեն։ Մնացած ողջ տաճարը կառուցվել է գոթական ոճով։

Գոթական տաճարի ամենահին մասը հյուսիսային աշտարակն է (Սեն Ռոմեն աշտարակ), որը կառուցվել է 1145 թվականին։ Այն ամբողջությամբ այրվել է 1944 թվականի հունիսի 1-ի ռմբակոծությունից։ Հարավային աշտարակը (Յուղի աշտարակ) կառուցվել է 1485 թվականին։ Անվակունդը կանգնեցվել է 1200 թվականին, երբ ռոմանական անվակունդը ոչնչացել է հրդեհի հետևանքով։ Սկզբնական պորտալներից պահպանվել է միայն հյուսիսայինը, որում պատկերված են Հովհաննես առաքյալի կյանքից դրվագներ։ Այն 1769 թվականից հետո բազմիցս վերանորոգվել է։ Մնացած երկու պորտալները խիստ տուժել են 16-րդ դարում։

18-րդ դարում տաճարը տուժել է փոթորիկից։ Երկրորդ համաշխարհային պատերազմի ժամանակ վնասվել է Ռուանի ռմբակոծությունից. 1944 թվականի ապրիլի 19-ին խիստ տուժել են անվակունդը և կապելան, իսկ մայիսի 31-ի ռմբակոծությունից այրվել է հյուսիսային աշտարակը։ 1999 թվականի դեկտեմբերին ուժգին փոթորկից տուժել է զանգակատունը։

Չափեր

• Երկարություն - 137 մ
• Ճակատամասի լայնություն - 61.6 մ
• Անվակունդի երկարություն - 60 մ
• Անվակունդի բարձրություն - 28 մ
• Երգչախմբի համար նախատեսված մասի երկարություն - 34.3 մ
• Երգչախմբի համար նախատեսված մասի լայնություն - 12.7 մ
• Սեն Ռոմեն աշտարակի բարձրություն - 82 մ
• Յուղի աշտարակի բարձրություն - 75 մ
• Սրաձողի բարձրություն - 151 մ

Պատկերասրահ

• 
  Յուղի աշտարակ
• 
  Եզրային անվակունդ
• 
  Կենտրոնական անվակունդ
• 
  ‎Թանգարանային ցուցադրություն
• 
  Երգչախմբի մաս

Դրսևորում արվեստում

Կլոդ Մոնե «Ռուանի տաճար», Օրսե թանգարան, Փարիզ

• 1890-ական թվականներին Կլոդ Մոնեն ստեղծել է նկարների շարք՝ նվիրված տաճարին։ Ստեղծվել է 50 կտավ, որոնք պատկերում են տաճարը տարբեր լուսավորությամբ, օրվա տարբեր պահերի և տարվա եղանակների։ Կտավներում տաճարը պատկերված է երեք դիրքերից։ Կտավներից մի քանիսը ավարտին են հասցվել նկարչի՝ Ժիվերնիի արվեստանոցում։
• 1969 թվականին ամերիկացի նկարիչ Ռոյ Լիխտենշտեյնը ստեղծել է «Ռուանի տաճար» եռապատկերը։

Հետաքրքիր փաստեր

• 2010 թվականի հունիսի 6-ին մոտ հազար մարդ, որոնք հավաքվել էին Ռուանի քաղաքապետարանի այգում (600 մ²), ձեռքերում պահելով Մոնեի «Ռուանի տաճար» կտավի մեծացված մասերը, ստեղծել են «կենդանի պատկեր»։ Այն լուսանկարվել և տեսագրվել է ուղղաթիռից, որպեսզի ներկայացվի Գինեսի ռեկորդների գրքին^[4]։
• Կենտրոնական սրաձողի փայտե մասը ոչնչացվել է 1823 թվականին կայծակից։

Ծանոթագրություններ

1. base Mérimée (ֆր.) — ministère de la Culture, 1978.
2. archINFORM (գերմ.) — 1994.
3. Dominique Seridji и другие Le guide du patrimonie en France. — Centre des monuments nationaux (MONUM), 2002. — С. 541. — ISBN 2-85822-760-8
4. Вести. Ru

Վիքիպահեստն ունի նյութեր, որոնք վերաբերում են «Ռուանի տաճար» հոդվածին։