Ռայան Օ’Նիլ

Ռայան Օ’Նիլ (անգլ.՝ Ryan O'Neal, ապրիլի 20, 1941(1941-04-20)^{[1][2][3][…]}, Լոս Անջելես, Կալիֆոռնիա, ԱՄՆ^[4] - դեկտեմբերի 8, 2023(2023-12-08)^[5], Սանտա Մոնիկա, Կալիֆոռնիա, ԱՄՆ^[6]), ամերիկացի դերասան։ Նկարահանվել է 54 ֆիլմերում, բայց նրան համաշխարհային ճանաչում է բերել «Սիրո պատմություն» ֆիլմը (1970 թվական)։ Առավել նշանակալիցը Սթենլի Կուբրիկի համանուն ֆիլմում Բարրի Լինդոնի դերն է։

Ռայան Օ’Նիլ անգլ.՝ Ryan O'Neal
Ծնվել է	ապրիլի 20, 1941(1941-04-20)[1][2][3][…]
Ծննդավայր	Լոս Անջելես, Կալիֆոռնիա, ԱՄՆ[4]
Մահացել է	դեկտեմբերի 8, 2023(2023-12-08)[5] (82 տարեկան)
Մահվան վայր	Սանտա Մոնիկա, Կալիֆոռնիա, ԱՄՆ[6]
Գերեզման	Վեսթվուդի գերեզմանատուն[7]
Կրթություն	Համալսարանի ավագ դպրոց, Ֆիլիպսի ակադեմիա, Hollywood Professional School? և Munich American High School?
Քաղաքացիություն	ԱՄՆ
Մասնագիտություն	դերասան, հեռուստատեսային դերասան, կինոդերասան և կինոպրոդյուսեր
Ժանրեր	վեսթեռն
Ծնողներ	հայր՝ Չարլզ Օ'Նիլ[3], մայր՝ Patricia O'Callaghan?[3]
Ամուսին(ներ)	Leigh Taylor-Young?[8] և Ջոաննա Մուր
Համատեղ ապրող(ներ)	Ֆեռա Ֆոսեթ
Երեխա(ներ)	Թաթում Օ’Նիլ[3], Griffin O'Neal?[3], Patrick O'Neal?[3][8] և Redmond O'Neal?[3]
Պարգևներ և մրցանակներ	«Դավիդ դի Դոնաթելլո» մրցանակ՝ լավագույն արտասահմանցի դերասան անվանակարգի համար և Հոլիվուդյան փառքի ծառուղու աստղ

Կենսագրություն

Ռայանի մայրը 1930-ական թվականներին հայտնի դերասանուհի է եղել։ Պապիկը իռլանդացի էր, իսկ տատիկը՝ հրեա։ Այդ պատճառով Ռայանի մանկությունն անցել է հատուկ միջավայրում, նա ստիպված էր ապրել տարբեր երկրներում։ Այսպիսով, ապագա դերասանի մանկության մի մասը անցնում է Գերմանիայում։

Իր երտասարդ տարիները դերասանն անցկացրել է ճանապարհորդելով։ Փրկարար է աշխատել, զբաղվել է բռնցքամարտով։ 1956 և1957 թվականներին նույնիսկ նվաճել է Լոս Անջելեսի չեմպիոնի տիտղոսը։ 1950-ական թվականների վերջում նկարահանվել է սերիալներում՝ որպես կրկնօրինակող, այնուհետև նկարահանվել է աննշան դերերում, մինչև ստացել է ավելի նշանակալի դեր «Կայսրություն» սերիալում (1962-1963 թվականներ)։

Դերասանի առաջին կինը եղել է դերասանուհի Ջոաննա Մուրը։ Նրանց ամուսնությունը տևել է ընդամենը 4 տարի (1963-1967 թվականներ)։ 1963 թվականին ծնվել է նրանց դուստրը՝ Տատում Օ’Նիլը, որը այժմ հայտնի դերասանուհի է։ Մեկ տարի անց 1964 թվականին ծնվել է Տատումի եղբայրը՝ Գրիֆֆինը։ 1967 թվականին Ռայան Օ’Նիլն ու Ջոաննա Կուկ Մուրը ամուսնալուծվում են։ Անմիջապես ամուսնալուծությունից հետո, նույն տարում Ռայանն ամուսնանում է դերասանուհի Լի Տեյլոր- Յանգի հետ։ Այս ամուսնությունում նա ունեցել է որդի՝ Պատրիկ, իսկ ավելի ուշ՝ մեկ այլ որդի՝ Ռեդմոնդ, դերասանուհի Ֆարահ Ֆասետի հետ արտամուսնական կապից։ Դերասանուհի Լի Թեյլոր-Յանգի հետ ամուսնությունը տևել է 6 տարի՝ 1967- ից մինչև 1973 թվականները։ Այս ամուսնությունից հետո Ռայան Օ'Նիլը բազմաթիվ սիրավեպեր է ունեցել։

Տատում Օ՚նիլ

1964-1969 թվականներին նկարահանվել է «Պեյտոն-Պլեյս»^[9] հեռուստասերիալում, իսկ «Սիրո պատմություն»^[10] մելոդրաման 1970 թվականին Օ’ նիլին մեծ ճանաչում է բերում, նույնիսկ ներկայացվում է Օսկարի մրցանակի անվանակարգում։ Ամենից լավ դերասանին հաջողվել են դերերը կատակերգություններում՝ «Ինչո՞ւմն է խնդիրը, բժիշկ», «Գող, ով եկել է ճաշի»,« Երազների վաճառականներ», «Գլխավոր իրադարձություն»(1979 թվական), «Կանաչ սառույց» (1981 թվական), «Գործընկերներ» (1982 թվական), «Թղթե լուսին» (1973 թնական)։ Այս ֆիլմում Օ՚նիլը խաղացել է իր տասնամյա դստեր՝ Տատումի հետ։

Միևնույն ժամանակ դերասանը խաղացել է զանազան դերեր, նկարահանվել Մեծ Բրիտանիայում «Բարի Լինդոն» պատմական դրամայում (1975 թվական) և «Կամուրջը շատ հեռու է» ռազմական ֆիլմում (1977 թվական), վերադառնալով ԱՄՆ՝ խաղում է «Վարորդ» ֆիլմում (1978 թվական)։ 1980-1990 թվականներին Օ՚նիլը հազվադեպ է հայտնվում էկրաններին՝ «Անհամատեղնելի հակասություններ» (1984 թվական),«Ուժեղ տղաները չեն պարում» թրիլլերում (1987 թվական ), «Շանսեր կան» ռոմանտիկ կատակերգությունում (1989 թվական), «Հավատարմություն» (1996 թվական) կրիմինալ կատակերգությունում։

2012 թվականի ապրիլին Օ’Նիլը հայտնեց, որ իրեն ախտորոշել են շագանակագեղձի քաղցկեղ^[11]։

Ֆիլմադարան

Տարեթիվ	Ֆիլմ	Հայերեն անվանում	Բնօրինակ անվանում	Դեր
1970	ֆիլմ	Խաղեր	The Games	Սկոթ Ռեյնոլդս
1970	ֆիլմ	Սիրո պատմություն	Love Story	Օլիվեր Բարեթ IV
1971	ֆիլմ	Վայրի թափառականները	Wild Rovers	Ֆրենկ Պոստ
1972	ֆիլմ	Ո՞րն է խնդիրը, բժիշկ	What’s Up, Doc?	Հովարդ Բանիստեր
1973	ֆիլմ	Գող, ով եկել է ճաշի	The Thief Who Came to Dinner	Ուեբստեր
1973	ֆիլմ	Թղթե լուսին	Paper Moon	Մոզես Պրեյ
1975	ֆիլմ	Բարրի Լինդոն	Barry Lyndon	Ռեյմոնդ Բարրի/ Բարրի Լինդոն
1976	ֆիլմ	Երազների վաճառականները	Nickelodeon	Լեո Խարիգան
1977	ֆիլմ	Կամուրջը շատ հեռու է	A Bridge Too Far	բրիգադային գեներալ Ջեյմս Գևին
1978	ֆիլմ	Վարորդ	The Driver	վարորդ
1978	ֆիլմ	Օլիվերի պատմությունը	Oliver’s Story	Օլիվեր Բարեթ IV
1979	ֆիլմ	Գլխավոր իրադարձություն	The Main Event	Էդի Սկենլոն
1981	ֆիլմ	Կանաչ սառույց	Green Ice	Ջոզեֆ Ուայլի
1982	ֆիլմ	Գործընկերներ	Partners	սերժանտ Բենսոն
1984	ֆիլմ	Անհամատեղելի հակասություններ	Irreconcilable Differences	Ալբերտ Բրոդսկի
1985	ֆիմ	Բուքմեյքերական տենդ	Fever Pitch	Տագգարտ
1987	ֆիլմ	Ուժեղ տղաները չեն պարում	Tough Guys Don’t Dance	Թիմ Մեդդեն
1989	ֆիլմ	Շանսեր կան	Chances Are	Ֆիլիպ Թրեյն
1996	ֆիլմ	Հավատարմություն	Faithful	Ջեկ Կոնոր
1998	ֆիլմ	Այրվիր, Հոլիվուդ, այրվիր	Burn Hollywood Burn	Ջեյմս Էդմունդս
1998	ֆիլմ	Զրոյական ազդեցություն	Zero Effect	Գրեգորի Ստարկ
1999	ֆիլմ	Շուտով	Coming Soon	Դիկ
2001	ֆիլմ	Դարաշրջան	Epoch	Ալեն Լայսանդեր
2002	ֆիլմ	Անհրաժեշտ մարդիկ	People I Know	Քերի Լաուներ
2003	ֆիլմ	Փնտրվում են Մալիբուում	Malibu’s Most Wanted	Բիլ Գլակման
2003	սերիալ	Խնամախոս Сваха	Miss Match	Ջերի Ֆոքս
2005	սերիալ	Հուսահատ տնային տնտեսուհիներ	Desperate Housewives	Ռոդնի Սկեյվո
2006-2017	սերիալ	Ոսկորներ	Bones	Մաքս Բրենան
2010	սերիալ	90210 Նոր սերունդ	90210	Սպենս Մոնտգոմերի
2015	ֆիլմ	Գավաթների ասպետ	Knight of Cups	Ռայան

Ծանոթագրություններ

1. Internet Broadway Database — 2000.
2. Բրոքհաուզի հանրագիտարան (գերմ.)
3. Lundy D. R. The Peerage
4. Ryan O'Neal (Sunday, 20th April 1941 - Friday, 8th December 2023) — aveleyman.com.
5. Ryan O’Neal, Who Became a Star With ‘Love Story,’ Dies at 82 — The New York Times, 2023.
6. Ryan O’Neal, star of ‘Love Story’ and ‘Paper Moon,’ dies at 82 — Los Angeles Times.
7. Ryan O'Neal Famous memorial — Find a Grave.
8. Kindred Britain
9. «Peyton Place (TV Series 1964–1969) - IMDb». Վերցված է 2020 թ․ օգոստոսի 12-ին.
10. «Love Story - IMDb». Վերցված է 2020 թ․ օգոստոսի 12-ին.
11. «Ryan O'Neal's 'Peculiar' Cancer Prognosis». news.yahoo.com (անգլերեն). Վերցված է 2020 թ․ հունիսի 15-ին.

Վիքիպահեստն ունի նյութեր, որոնք վերաբերում են «Ռայան Օ’Նիլ» հոդվածին։