From Wikipedia, the free encyclopedia
Ջոն Ջ. Մըրֆի (անգլ.՝ John J. Murphy), ամերիկացի ֆինանսական շուկայի վերլուծաբան։ Համարվում է միջշուկայական տեխնիկական վերլուծության հայրը[2]: Նա հեղինակել է մի քանի գիրք, այդ թվում՝ «Ֆյուչերսային շուկաների տեխնիկական վերլուծությունը»։ Հետագայում նա վերանայել և ընդլայնել է այս գիրքը՝ անվանելով «Ֆինանսական շուկաների տեխնիկական վերլուծություն»:[3]
Ջոն Մըրֆի | |
---|---|
Ծնվել է | 1952[1] |
Քաղաքացիություն | ![]() |
Կրթություն | Ֆորդհեմի համալսարան, Ռոդ Այլենդի համալսարան և ԱՄՆ բանակի պատերազմի քոլեջ |
Մասնագիտություն | ֆինանսիստ և տնտեսագետ |
Ավարտելով համալսարանը 1960-ականների վերջին հումանիտար գիտությունների ուղղվածությամբ՝ Մըրֆին աշխատանք էր փնտրում Wall Street-ում։ Նրա առաջին աշխատանքը եղել է CIT ֆինանսական կորպորացիայում, որտեղ նա աշխատել է որպես պորտֆելի կառավարչի օգնական և կառուցել է բաժնետոմսերի գրաֆիկներ։ 1970-ականների սկզբին աշխատել է Merrill Lynch-ի ապրանքային բաժնում, որտեղ հետագայում ստացավ Տեխնիկական վերլուծության գծով տնօրենի պաշտոնը։ 1980-ականներին Մրֆին սկսեց աշխատել որպես խորհրդատու և անցկացնում էր երեկոյան դասընթացներ Նյու Յորքի Ֆինանսների ինստիտուտում։ Դասախոսելու տարիներին նա գրել է նաև իր առաջին գիրքը՝ «Ֆինանսական շուկաների տեխնիկական վերլուծություն»[4]։
«Ֆյուչերսային շուկաների տեխնիկական վերլուծությունը»-ը համարվում է տեխնիկական վերլուծության ստանդարտ օրինակ և լայն տարածում ունի[5]։ «Միջշուկայական վերլուծություն. համաշխարհային շուկայական հարաբերություններից ստացվող շահույթը» շուկայի տեխնիկական վերլուծաբանների ասոցիացիայի՝ շուկայի ուսումնասիրման հիմնական աղբյուրն է[6]։
Նա շեշտը դնում էր ETF-ների օգտագործման վրա՝ ակտիվների տեղաբաշխման և ոլորտի ռոտացիայի ռազմավարությունների, ինչպես նաև համաշխարհային առևտրի իրականացման վրա։ Նա եղել է StockCharts.com-ի գլխավոր տեխնիկական վերլուծաբանը[7][8]։ Նրա ներդրումային տեսակետը հայտնվել է Barron's-ում:[9]
Նա աշխատել է Bloomberg TV-ում[10], CNN Moneyline-ում, Nightly Business Report-ում[11], Wall Street թերթում ՝ Լուի Ռուկեյզերի հետ[2] և 7 տարի՝ CNBC-ում[3][12]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.