From Wikipedia, the free encyclopedia
Ջեյմս Մոնրո (անգլ.՝ James Monroe, ապրիլի 28, 1758[1][2][3][…], Մանրո Հոլ, Բրիտանական Ամերիկա - հուլիսի 4, 1831[1][2][3][…], Նյու Յորք, ԱՄՆ[4]), ամերիկացի քաղաքական և պետական գործիչ, ԱՄՆ հինգերորդ նախագահը (1817—1825), Լուիզիանայի գնման կազմակերպիչներից և արտաքին քաղաքական հայեցակարգի մշակողներից մեկը, որն ստացել է «Մոնրոյի ուսմունք» անվանումը։
Ջեյմս Մոնրո | |
![]() | |
Կուսակցություն՝ | Դեմակրատական-հանրապետական կուսակյություն |
---|---|
Ծննդյան օր՝ | ապրիլի 28, 1758[1][2][3][…] |
Ծննդավայր՝ | Մանրո Հոլ, Բրիտանական Ամերիկա |
Վախճանի օր՝ | հուլիսի 4, 1831[1][2][3][…] (73 տարեկան) |
Վախճանի վայրը՝ | Նյու Յորք, ԱՄՆ[4] |
Ամուսին ՝ | Էլիզաբեթ Մոնրո[5] |
Երեխաներ՝ | Maria Hester Monroe Gouverneur?[5], Eliza Kortright Monroe Hay?[2][5] և James Spence Monroe?[2][5] |
Հայր՝ | Սփենս Մոնրո[5] |
Մայր՝ | Elizabeth Jones?[2][5] |
![]() |
Ջեյմս Մոնրոն ծնվել է 1758 թվականի ապրիլի 28-ին Վաշինգտոն Պերիշում (Վիրջինիա նահանգ, Վեսթմորլենդ շրջան) ոչ հարուստ պլանտատորի ընտանիքում։ Նրա ծնողներն ամուսնացել էին 1752 թվականին։ Ծնված հինգ երեխաներից չորսը ապրել էին մինչև հասուն տարիք։ Ջեյմսի հորական գծով նախապապը Ամերիկա էր գաղթել Շոտլանդիայից 17-րդ դարի կեսերին։
Սովորել է բողոքական քահանա Արչիբալդ Քեմբելի մասնավոր դպրոցում, իսկ 16 տարեկանում՝ Վիրջինիայի նախկին մայրաքաղաք Ուիլյամսբուրգում գտնվող Վիլհելմի և Մարիայի քոլեջում։ 1775 թվականին, երբ սկսվել է հեղափոխական պատերազմը, Մոնրոն ներառվել է մայրցամաքային բանակի վիրջինյան գնդում և արդեն 18 տարեկանում ուներ սպայական կոչում։ Մասնակցել է Լեքսինգթոնի և Կոնկորդի ճակատամարտերին։ Հաջորդ տարվա գարնանը հեռացել է քոլեջից և ընդունվել մայրցամաքային բանակ։ 1778 թվականին ստացել է փոխգնդապետի կոչում։ 1780-1783 թվականներին Մոնրոն Թոմաս Ջեֆերսոնի ղեկավարությամբ սովորել է իրավագիտություն։
1786 թվականի փետրվարի 16-ին Ջեյմս Մոնրոն ամուսնացել է Էլիզաբեթ Քորթրայթի (1768–1830)[6] հետ։ Ամուսնական արարողությունը տեղի է ունեցել Նյու Յորքում։ Ունեցել են երեք երեխա.
Մոնրոն իրականացրել է իր պատանեկան երազանքը՝ դառնալով լայնարձակ պլանտացիաների տեր։ Սակայն նրա ջանքերը գյուղատնտեսության մեջ ապարդյուն եղան։ Նրա շքեղ կենսաձևը հաճախ հասցնում էր գույքի վաճառման անհրաժեշտության՝ պարտքերը վճարելու համար։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.