Պոնտական լեռներ, Հյուսիս-Անատոլիական լեռներ, Պոնտական Պար, Պոնտոսի լեռներ, Պոնտոսյան լեռներ, լեռնահամակարգ, լեռնաշղթա, լեռներ Փոքր Ասիայում։ Ձգվում է Սև ծովի հարավային ափերով։ Արևելքում սկսվում է Ճորոխ գետի ստորին հոսանքի մոտից և ձգվում գրեթե հորիզոնական ուղղությամբ արևմուտք, մինչև Իրիս գետի հովիտ։ Երկարությունը մոտ 1000 կմ է, լայնությունը՝ մինչև 130 կմ։ Կազմված է իրարից երկայնական հովիտներով բաժանված զուգահեռ շղթաներից։ Լեռնաշղթան տարբեր մասերում ունի տարբեր անուններ։ Արևելյան հատվածը (Քաջքար գագաթով, 3937 մ) կոչվում է Խաղտյաց լեռներ և ավելի բարձր է, իսկ արևմուտք՝ Արևմտա-Պոնտական լեռնաշղթա, որն այդտեղ գտնվող Իգդիր լեռների անունով կոչվել է նաև Իգդիրի լեռնաշղթա։ Այս հատվածն ավելի ցածր է (մինչև 2565 մ)։ Այստեղ է գտնվում նաև Ջանիկի լեռնաշղթան, որը ձգվում է Սեբաստիայի նահանգի տարածքով։ Կազմված է հնագույն բյուրեղային և մեզոզոյան ու երրորդական հասակի նստվածքային ապարներից։ Սեյսմիկ շրջան է։ Կան քարածխի, պղնձի, բազմամետաղների պաշարներ։ Հյուսիսային լանջերն անտառապատ են, հարավային՝ ծածկված լեռնատափաստանային և կիսաանապատային բուսականությամբ[1]։
| Պոնտական լեռներ | |
|---|---|
 | |
| Տեսակ | լեռնաշղթա |
| Երկիր |  Թուրքիա |
| Մասն է | Ալպ-Հիմալայան գեոսինկլինալ |
| Բարձրություն (ԲԾՄ) | 3937 մետր |
| Երկարություն | մոտ 1000 կմ |
| Մեծագույն գագաթ | Քաջքար |
 | |
 | |
Ծանոթագրություններ
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
