Շտապիր սիրել
From Wikipedia, the free encyclopedia
From Wikipedia, the free encyclopedia
Շտապիր սիրել (անգլ.՝ A Walk to Remember), 2002 թվականին նկարահանված ամերիկյան մելոդրամա ժանրի ֆիլմ, նկարահանված է Նիկոլաս Սպարկսի համանուն ստեղծագործության հիման վրա։
Շտապիր սիրել անգլ.՝ A Walk to Remember | |
---|---|
Երկիր | ԱՄՆ |
Ժանր | ռոմանտիկ ֆիլմ, ֆիլմ անչափահասների համար, պատմություն հասունացման մասին, դրամա և վեպի էկրանավորում |
Հիմք | Հիշարժան ուղի (գիրք) |
Թվական | հունվարի 23, 2002[1], հոկտեմբերի 31, 2002[2] և 2002 |
Լեզու | անգլերեն |
Ռեժիսոր | Ադամ Շենքման |
Պրոդյուսեր | Դենիզ դի Նովի և Hunt Lowry? |
Սցենարի հեղինակ | Նիկոլաս Սփարքս |
Դերակատարներ | Շեյն Ուեսթ, Մենդի Մուր, Փիթեր Քոյոթ, Դերիլ Հաննա, Լորեն Ջերման, Քլեյն Քրոուֆորդ, Ալ Թոմփսոն, Փաս դե լա Ուերտա, Matt Lutz?, Դևիդ Էնդրյուս և Դևիդ Լի Սմիթ |
Օպերատոր | Ջուլիո Մաքաթ |
Երաժշտություն | Mervyn Warren? |
Մոնտաժ | Էմմա Է․ Հիքոքս |
Պատմվածքի վայր | Հյուսիսային Կարոլինա |
Նկարահանման վայր | Հյուսիսային Կարոլինա |
Կինոընկերություն | Di Novi Pictures |
Տևողություն | 98 րոպե |
Բյուջե | 11 800 000 $[3] |
Շահույթ | 47 494 916 $[3] |
Պաշտոնական կայքէջ |
Ֆիլմը երկու երիտասարդների սիրո տխուր պատմություն է։ Ֆիլմի գլխավոր հերոսը՝ Լենդոնը (Շեյն Ուեստ), դպրոցում բոլորի կուռքն էր։ Նա անկախ էր, գեղեցկադեմ և իհարկե մեծամիտ, ով ոչ ոքի չէր նկատում իր շուրջբոլորը, այդ թվում իր հետ նույն դպրոցում սովորող մի աղջկա (Մենդի Մուռ)։ Աղջկա անունը Ջեյմի (Մենդի Մուռ) էր։ Նա քաղաքի քահանայի աղջիկն էր, ով դպրոցում սովորում էր գերազանց, երգում էր եկեղեցու երգչախմբում և հաճախում թատերական խմբակ։
Օրերից մի օր Լենդոնի և նրա ընկերների մեղքով տեղի է ունենում դժբախտ պատահար։ Գիշերը մի երիտասարդ, ով ցանկանում էր դառնալ նրանց խմբի անդամ, «կնունքի» ժամանակ բարձրությունից ջուրը ցատկելիս՝ գլուխը հարվածեց ջրի խողովակին։ Դա տեսնելով՝ բոլորը փախուստի դիմեցին։ Երիտասարդին ջրից հանելուց հետո՝ Լենդոնը ևս խուճապահար դիմում է փախուստի, սակայն վթարի ենթարկվելով՝ ձերբակալվում է ոստիկանության կողմից։
Բարեբախտաբար երիտասարդը, ում նա օգնություն էր ցուցաբերել, կենդանի է մնում։ Դպրոցի տնօրենը որոշում է Լենդոնին չհեռացնել դպրոցից՝ նրա առջև դնելով մի շարք պայմաններ։ Նրան հանձնարարում են հավաքարարի փոխարեն հետևել դպրոցի մաքրությանը, հանգստյան օրերին օգնել դասերից հետ մնացող երեխաներին և հաճախել թատերական խմբակ։ Հենց այդ պահից սկսած նրա և Ջեյմիի ճանապարհները սկսում են առավել հաճախակի հատվել։
Շուտով Լենդոնը խնդրում է աղջկան, որպեսզի նա օգնի իրեն բեմականացման իր դերը պատրաստել. աղջիկը համաձայնում է այն պայմանով, որ տղան այդ ողջ ընթացքում պետք է զսպի իրեն և հանկարծ չսիրահարվի աղջկան։ Ինքնավստահ տղան անմիջապես համաձայնում է այդ պայմանին։ Սակայն ժամանակի ընթացքում երկուսի մեջ առկա հակակրանքը վերածվում է համակրանքի, որը երկուսն էլ խուսափում էին ընդունել։ Չցանկանալով նվաստանալ ընկերների մոտ՝ Լենդոնը վիրավորում է Ջեյմին նրանց ներկայությամբ։ Ջեյմին, նեղանալով նրա այդ արարքից, այլևս չի ցանկանում շփվել Լենդոնի հետ։ Ամեն ինչ փոխվում է ներկայացման ժամանակ, որտեղ 2 երիտասարդները խաղում էին գլխավոր դերը։ Բեմադրությունից հետո Լենդոնի ընկերները սկսում են ծաղրել աղջկան, որի պատճառով Լենդոնը վիճում է նրանց հետ և խզում կապերը։ Ժամանակի ընթացքում նրանց միջև համակրանքը մեծանում է, վերածվում սիրո։ Թվում էր, թե ամեն ինչ հրաշալի է, բայց այդ պահին ի հայտ է գալիս իրական ճշմարտությունը։
Լենդոնը իմանում է, որ իր սիրելին ծանր հիվանդ է։ Նա տառապում էր արյան քաղցկեղով։ Սակայն այդ ամենը նրան չի կանգնեցնում։ Նա մնում է աղջկա հետ՝ իրականացնելով նրա վաղեմի երազանքները։ Լենդոնը Ջեյմիին ամուսնության առաջարկ է անում։ Նրանց ամուսնացնում է աղջկա քահանա հայրը, հենց այն նույն եկեղեցում, որտեղ տարիներ առաջ ամուսնացել էին Ջեյմիի ծնողները։ Հարսանեկան արարողությանը ներկա էր Լենդոնի հայրը ում հետ տղան խզել էր կապը ծնողների ամուսանլուծությունից հետո, և միայն Ջեյմիի բարության և սիրո շնորհիվ, հասկանալով իր սխալը, հաշտվում է հոր հետ։ Այդտեղ էին նաև Լենդոնի վաղեմի ընկերները, ովքեր, հասկանալով և գիտակցելով իրենց սխալը, ներողություն էին խնդրել զույգից։
Ամուսնությունից հետո երիտասարդները միասին վայելեցին իրենց երջանիկ ամառը, որից հետո Ջեյմին մահացավ։
Չորս տարի անց Լենդոնը վերադառնում է հայրենի քաղաք։ Նա սովորում էր համալսարանում և պատրաստվում էր բժիշկ դառնալ։ Նա նախ այցելում է Ջեյմիի հորը և նրան հանձնում աղջկա մոր օրագիրը, որը Ջեյմին թողել էր իրեն, որից հետո գնում է նավամատույց, որտեղ նա և Ջեյմին հաճախ էին լինում և հիշում այն բարի ժամանակները, որ անցկացրել էին միասին և որի շնորհիվ նրա կյանքը լիովին փոխվեց։
Դերակատար | Դերը |
---|---|
Շեյն Ուեսթ | Լենդոն Կարտեր |
Մենդի Մուր | Ջեյմի Սալիվան |
Պիտեր Կոյոտ | քահանա Սալիվան |
Դարիել Հաննա | Սինտիա Կարտեր |
Ֆիլմի գլխավոր սաունդթրեքը կատարում է Մենդի Մուրը (Cry)։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.