ամերիկացի գրող From Wikipedia, the free encyclopedia
Շերվուդ Անդերսոն (անգլ.՝ Sherwood Anderson, սեպտեմբերի 13, 1876[1][2][3][…], Քեմդեն, Պրեբլ, Օհայո, ԱՄՆ[2] - մարտի 8, 1941[4][1][2][…], Կոլոն, Պանամա[4][2]), ամերիկացի արձակագիր, նովելիստ։
Շերվուդ Անդերսոն անգլ.՝ Sherwood Anderson | |
---|---|
![]() | |
Ծնվել է | սեպտեմբերի 13, 1876[1][2][3][…] |
Ծննդավայր | Քեմդեն, Պրեբլ, Օհայո, ԱՄՆ[2] |
Վախճանվել է | մարտի 8, 1941[4][1][2][…] (64 տարեկան) |
Վախճանի վայր | Կոլոն, Պանամա[4][2] |
Գերեզման | Round Hill Cemetery[5] |
Մասնագիտություն | գրող |
Լեզու | անգլերեն |
Քաղաքացիություն | ![]() |
Կրթություն | Wittenberg University? |
Ժանրեր | վեպ[2], պոեզիա, ժուռնալիստիկա[2], ինքնակենսագրություն[2] և պատմվածք[2] |
Ուշագրավ աշխատանքներ | Ուայնսբուրգ, Օհայո |
Անդամակցություն | Արվեստի և գրականության ամերիկյան ակադեմիա |
Ամուսին | Eleanor Gladys Copenhaver? և Tennessee Mitchell Anderson? |
![]() | |
Շերվուդ Անդերսոն Վիքիդարանում | |
![]() |
Ծնվել է փոկագործի ընտանիքում, տան յոթ երեխաներից երրորդն էր։ 1883 թվականին ընտանիքը տեղափոխվել է Քլայդ, Օհայո նահանգ։ Այդ քաղաքը հետագայում դարձել է Ուայնսբուրգ քաղաքի նախատիպը Անդերսոնի համանուն ստեղծագործության մեջ։ Չի ստացել միջնակարգ կրթություն, քանի որ թողել է դպրոցը և փոխել բազմաթիվ տարբեր գործեր, որպեսզի հոր մահից հետո կարողա պահել ընտանիքը։ Մոր մահից (1895) մոտավորապես մեկ տարի անց տեղափոխվել է Չիկագո, սակայն շուտով բանակ է զորակոչվել և գնացել Կուբա (Իսպանա-ամերիկյան պատերազմ)։ Վերադառնալուց հետո (1900 թվականից հետո) մեկ տարի ուսանել է Սփրինգֆիլդի (Օհայո նահանգ) Վիտենբերգյան քոլեջում, ապա վերադարձել է Չիկագո։ Սկսել է գրել էսսեներ և պատմվածքներ։
1904 թվականին ամուսնացել է Կորնելիա Լեյնի հետ, տեղափոխվել Քլիվլենդ, որտեղ դարձել է փոստային ընկերության ղեկավար, ապա բացել է սեփական բիզնեսը Էլիրիիում, Օհայո նահանգ։ 1910 թվականին սկսել է գրել վեպեր, սակայն 1912 թվականին ծանր նյարդային խանգարում է ունեցել, որից հետո վերադարձել է Չիկագո։ 1916 թվականին ամուսնալուծվել է (առաջին ամուսնությունից ունենալով երեք երեխա), այդ նույն տարում ամուսնացել է քանդակագործ Թենեսի Միտչելի հետ, իսկ 1924 թվականին՝ գրախանութի կառավարիչ Էլիզաբեթ Պրոլի հետ և բնակություն հաստատել Նոր Օռլեանում, որտեղ ծանոթացել է իր կնոջ աշխատողի՝ Ուիլյամ Ֆոլքների հետ։ 1929 թվականին բաժանվել է և այս կնոջից, ամուսնացել չորրորդ անգամ 1933 թվականին Էլինոր Կոուպերհեյվերի հետ։
1921 և 1927 թվականներին ճանապարհորդել է Եվրոպայում։ 1926 թվականին Վիրջինիա նահանգի Մերիոնի քաղաքի մոտ ագարակ է գնել, որտեղ էլ բնակվել է մինչև կյանքի վերջը։ 1941 թվականին կնոջ հետ ուղևորվել է ճանապարհորդելու Հարավային Ամերիկայում, սակայն նավի վրա հիվանդացել է և մահացել որովայնամզի բորբոքումից Պանամայի ջրանցքի շրջակայքում։ Թաղվել է Մերիոնի գերեզմանատանը։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.