ամերիկացի դերասանուհի From Wikipedia, the free encyclopedia
Շենոն Փրսեր (անգլ.՝ Shannon Purser, հունիսի 27, 1997[1], Ատլանտա), ամերիկացի դերասանուհի։ Դեբյուտը նշել է Նեթֆլիքսի «Տարօրինակ դեպքեր» հեռուստասերիալում կատարած Բարբարա «Բարբ» Հոլանդի[2] և The CW հեռուստաալիքի «Ռիվերդեյլ» հեռուստասերիալում կատարած Էթել Մագսի իր դերերով[3]։
Շենոն Փրսեր | |
---|---|
![]() | |
Ծննդյան թիվ՝ | հունիսի 27, 1997[1] (27 տարեկան) |
Ծննդավայր՝ | Ատլանտա |
Քաղաքացիություն՝ | ![]() |
Մասնագիտություն՝ | դերասանուհի, հեռուստատեսային դերասանուհի և կինոդերասանուհի |
IMDb։ | ID 7684864 |
Իր դերասանական նորամուտը կատարել է Նեթֆլիքսի «Տարօրինակ դեպքեր» գիտաֆանտաստիկ դրամա հեռուստասերիալում։ Նա խաղացել է Բարբարա Հոլանդի՝ խելացի և անկեղծ աղջկա դերը, որը Նենսի Ուիլերի (Նատալիա Դայեր) մտերիմ ընկերուհին է։ Չնայած երկրորդական կերպար լինելուն` որոշ աութլետներ ասել են, որ Բարբի կերպարը իրենց սիրելիներից է[4][5]։ Այս դերը նրան համաշխարհային ճանաչում է բերել[6][7]։ Նա առաջադրվել է «Էմմի» մրցանակաբաշխության` «Դրամա սերիալում հրավիրված նշանավոր դերասանուհի» անվանակարգում[8]։
2017 թվականին նա նկարահանվել է The CW հեռուստաալիքի «Ռիվերդեյլ» պատանեկան դրամա ժանրի հեռուստասերիալում, որտեղ կատարել է Էթել Մագսի դերը[9]։ 2018 թվականին նա գլխավոր դեր է կատարել «Սիերա Բերջեսը անհաջողակ է» ֆիլմում[10]։ Փրսերը նաև կատարել է Անաբելլա Բոումանի դերը «Դրամայի դպրոց» հեռուստասերիալում։
Փրսերը սովորում է Քենեսոյի պետական համալսարանում։ Ավելի վաղ նա աշխատել է իր հարազատ՝ Ջորջիա նահանգի Ռոուզվել քաղաքի կինոթատրոններից մեկում[11][12], սակայն թողել է այդ աշխատանքը` դերասանական վարպետության վրա կենտրոնանալու համար։ 2017 թվականի ապրիլի 18-ին թվիթթերյան էջում հայտնել է իր բիսեքսուալության մասին[13]։
Տարեթիվ | Հայերեն անվանում | Բնօրինակ անվանում | Դեր | Նշումներ |
---|---|---|---|---|
2016-2017 | Տարօրինակ դեպքեր | Stranger Things | Բարբարա «Բարբ» Հոլանդ | 7 սերիա |
2017 | Վախեցիր քո ցանկություններից | Wish Upon | Ջուն Ակոստա | Ֆիլմ |
2017-ներկա | Ռիվերդեյլ | Riverdale | Էթել Մագս | 12 սերիա |
2018 | Սիերա Բերջեսը անհաջողակ է | Sierra Burgess Is a Loser | Սիերա Բերջես | Վիդեո ֆիլմ |
2018 | Դրամայի դպրոց | Rise | Անաբելլա Բոուման | 10 սերիա |
2018-ներկա | Եզրափակիչ տիեզերք | Final Space | Շենոն Թանդեր | 3 սերիա |
Տարեթիվ | Աշխատանք | Մրցանակ | Անվանակարգ | Արդյունք | Ծան. |
---|---|---|---|---|---|
2017 | Տարօրինակ դեպքեր | Էմմի | Դրամա սերիալում հրավիրված նշանավոր դերասանուհի | Առաջադրված | [14] |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.